Sport

Ndahet nga jeta Stavri Lubonja, presidenti Duka ngushëllon familjen…

Në vitet 60’ është shpallur kampion me Dinamon për herë të parë, teksa ka ngritur lart trofeun e titullit edhe 2 herë të tjera. Gjithashtu ai është shpallur edhe golashënuesi më i mirë në kampionat me 11 gola në vitin 1959

28 Dhjetor 2024, 02:07 Nga DOSJA

Ndahet nga jeta Stavri Lubonja, presidenti Duka ngushëllon familjen…

TIRANE - Ndarja nga jeta e Stavri Lubonja padiskutim ka tronditur të gjithë. Ish-lojtari i Dinamos ka mbyllur sytë përgjithmonë në New Jersey në moshën 89-vjeçare, ku një sëmundje e rëndi i mori jetën.

Presidenti Armando Duka nëpërmjet një postimi në rrjetet sociale ka shprehur trishtimin e tij kur mori vesh lajmin. Sipas kreut të FSHF-së, Lubonja ishte një shpirt i çiltër dhe shumë respektues ndaj njerëzve të futbollit dhe kolegëve.

“Një lajm i trishtë për komunitetin e futbollit na erdhi në këtë fundvit. Është ndarë nga jeta Stavri Lubonja, ish-sulmues i shquar i viteve ‘60 i Dinamos dhe ekipit Kombëtar. Golashënues i spikatur dhe lojtar elegant, që pasi e mbylli me futbollin e luajtur, vijoi karrierën si trajner dhe drejtues i klubit Dinamo.

Personalitet i vlerësuar nga i gjithë komuniteti i futbollit për natyrën e çiltër dhe respektin që kishte për njerëzit e futbollit dhe kolegët. I shpreh ngushëllimet e mia më të ndjera familjes Lubonja dhe të afërmve e miqve të tij. I përjetshëm qoftë kujtimi i tij!”, ka shkruar Duka.

Kujtojmë se në vitet 60’ është shpallur kampion me Dinamon për herë të parë, teksa ka ngritur lart trofeun e titullit edhe 2 herë të tjera.

Gjithashtu me dinamovitët është shpallur edhe golashënuesi më i mirë në kampionat me 11 gola në vitin 1959, ndërsa në karrierën e tij ka qenë pjesë e Kombëtares dhe trajner e pjesë e klubit të Dinamos.

B.T (Dosja.al)

Sondazh

Poll

MË SHUMË