TIRANË– Kryedemokrati Lulzim Basha ka bërë urimin e tij për Vitin e Ri 2019. Me anë të një reagimi, Basha i uron të gjithë qytetarëve shqiptarë shpresë dhe mirëqënie.
Gjithashtu në reagimin e tij, Basha kthyer ‘sytë pas’ duke rikujtuar edhe pasojat tràgjikè që la tèrmèti i 26 nëntorit. Një urim të veçantë kreu i PD-së e ka bërë për të gjithë ata që qëndrojnë në krye të detyrës: ekipet mjekësore, policët, zjarrëfikësit dhe punonjësit e medias.
“Një urim të veçantë kam për të rinjtë dhe të rejat, mos e humbisni shpresën dhe besimin tek vetja juaj dhe tek Shqipëria! Forca dhe energjia juaj është frymëzim për çdo shqiptar. Së bashku do ta bëjmë Shqipërine vendin e mundësive për të gjithë ju. Zoti e bekoftë Shqipërinë!,”-shkroi ndër të tjera Basha.
URIMI I PLOTË I BASHËS:
Vetëm pak orë na ndajnë nga ndërrimi i viteve dhe unë nga zemra dua t’ju uroj të gjithëve, kudo ku jeni: Për shumë vjet Gëzuar!
Viti që po lemë pas ishte i vështirë, dhe na përballi me sfida të shumta.
Tërmeti që goditi vendin tonë e vështirësoi edhe më shumë jetën e mijëra familjeve. 26 nëntori gjunjëzoi vendin dhe la pas një dhimbje të madhe për 51 bashkëqytetarë që sot nuk janë më mes nesh, dhe për dhjetëra mijëra të tjerë që po e kalojnë këtë natë mes vështirësish, në të ftohtë, me tavolina të zbrazura e dhimbje në shpirt.
Ky vit do të mbetet gjatë në mendjen e çdo qytetari, e kjo natë natyrisht nuk do të festohet si çdo vit.
Por ajo që dëshiroj me shpirt e për të cilën lutemi të gjithë është që 2019 të marrë me vete gjithë dhimbjen, pamundësinë dhe krizën që përjetuam, e viti i ri të sjellë mbarësi, gëzim, e më shumë mirëqenie në çdo vatër shqiptare.
Së bashku si një familje e madhe me ndihmën e Zotit dhe duke u mbeshtetur tek njëri tjetri do ta ndryshojmë këtë realitet të dhimbshëm në vitin që po vjen.
Sot dua të uroj nga zemra çdo qytetar që është në vështirësi që 2020 të sjellë lehtesim, shpresë dhe mirëqenie për ta.
Dua të uroj çdo shqiptar që gjendet në emigrim që 2020 të sjellë ditë më të mira, dhe mundësi që të ktheheni e të ndërtoni siç e dëshironi jetën tuaj në Shqipëri!
Dua të uroj sot çdo familje të prekur nga tërmeti që 2020 tu sjellë mbylljen e plagëve në familjet tuaja dhe tejkalim te vështirësive.
Dua të uroj sot në veçanti ekipet mjekësore, punonjësit në detyrë të policisë, zjarrfikësit si dhe punonjësit e medias që janë në krye të detyrës, një vit të mbarë e të gëzuar!
Një urim të veçantë kam për të rinjtë dhe të rejat, mos e humbisni shpresën dhe besimin tek vetja juaj dhe tek Shqipëria! Forca dhe energjia juaj është frymëzim për çdo shqiptar. Së bashku do ta bëjmë Shqipërine vendin e mundësive për të gjithë ju.
Gëzuar e një vit të mbarë për çdo shqiptar!
Zoti e bekoftë Shqiperinë!
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KOSOVË– Kryeministri në ikje i Kosovës, Ramush Haradinaj ka uruar sot të gjtihë qytetarët shqiptarë për festat e fundvitit. Përmes një videoje në Fac...
TIRANË– Ish-kryeministri Sali Berisha ka përcjellë urimet e tij për të gjithë shqiptarët, për festat e fendvitit. Në një video-mesazh në faqen e tij në Fac...
Tiranë- Sot, në orët e para të mengjesit është ndarë nga jeta ish-trajneri i Kombëtares shqiptare Shyqyri Rreli. Nuk ka munguar edhe një reagim i Presidentit Il...
Tiranë- Për atántatin ndaj kryebashkiakut të Lushnjes, Fatos Tushes ka reaguar edhe Partia Demokratike. Në reagimin e PD-së thuhet se të gjitha rrethanat tregoj...
Tiranë- Sot është dita e fundit e 2019-tës. Kryeministri Edi Rama ka zgjedhur që të urojë shqiptarët për vitin e ri 2020 nëpërmjet një videomesazhi.“Për Shqipër...
TIRANË– Pas Durrësit dhe Dibrës edhe Kruja është në hetim për krime elektorale. Numri dy i PD-së, Gazment Bardhi konfirmon hetimet nga ana e Prokuror...
TIRANË– Kryeministri Edi Rama ka dhënë një mesazh të fortë për botën e krímit, anëtarët e të cilës është shprehur se do të tunden nga themelet me nisjen e ...
TIRANË– Kryeministri Edi Rama u ka kthyer përgjigje të gjitha komenteve rreth minishengenit rajonal, për faktin që po tradhëton popullin e Kosovës dhe për ...
TIRANË– Kryeminisitri Edi Rama ka mbajtur fjalimin e fundit për vitin 2019, ku nëpërmjet një videoje në faqen e tij në Facebook ka uruar publikihst të gjit...