Politike

"Manastirliu e kuptoi që është ministre vetëm kur iu rrezikua karrigia!" Zhupa: Nëse ata dy djemtë do fitonin medalje, Ogerta do merrte meritat e para

Ajo akuzoi ministren për mungesë përgjegjësie dhe për përpjekje për të gjetur fajtorë të tjerë pas tragjedisë me vrasjen e nxënësit 14-vjeçar te shkolla 'Fan Noli'.

12 Dhjetor 2024, 11:22 Nga M.B
"Manastirliu e kuptoi që është ministre vetëm kur iu
Ina Zhupa

TIRANA- Deputetja e Partisë Demokratike, Ina Zhupa, ka mbajtur një fjalim të ashpër në foltoren e Kuvendit gjatë interpelancës me ministren e Arsimit, Ogerta Manastirliu. Zhupa tha se Manastirliu nuk ka treguar ndonjëherë përkushtim ndaj problematikave të arsimit deri në momentin kur pozicioni i saj si u vu në rrezik. Ajo akuzoi ministren për mungesë përgjegjësie dhe për përpjekje për të gjetur fajtorë të tjerë pas tragjedisë me vrasjen e nxënësit 14-vjeçar te shkolla 'Fan Noli'.

“Ogerta Manastirliu shpëtoi që ishte ministre arsimi. Deri në ato momente nuk e kishte kuptuar akoma që ishte ministre sepse nuk e kishim parë në asnjë shkollë, as të diskutonte ndonjë problematikë. Fajin e ka opozita, TikTok-u, shoqëria, çdo njeri e ka fajin, përveç Ogerta Manastirliut. Nëse njëri nga ata dy djemtë, njëri i plagosur dhe njëri që nuk jeton më, do të fitonin një medalje, e para që do merrte meritat do ishte Ogerta,” tha ajo.

 

 

kuvendi

Sondazh

Poll

MË SHUMË