Politike

"Rama vë në plan të parë xhepin dhe trastën në vend të mjedisit!" Malltezi: Konventa e Bernës shpreh keqardhjen që rekomandimet e saj u injoruan

Malltezi shtoi se pa analizë alternativash, pa diskutime për vendndodhjen, duke rrezikuar përmbytje, duke rrezikuar shkatërrime habitati, duke rrezikuar rënie të numrit të popullatave, si dhe rrezik të trafikut ajror ndaj shpendëve migratorë, Rama vendosi vullnetin e tij, bazuar në xhepin e tij dhe mbi asnjë arsye shkencore, apo mjedisore.

11 Dhjetor 2024, 14:45 Nga M.B
"Rama vë në plan të parë xhepin dhe trastën
Jamarbër Malltezi

TIRANA- Drejtuesit të Departamentit të Mjedisit në PD, Jamarbër Malltezi, ka bërë sot një deklaratë ku tha se Konventa e Bernës shprehu keqardhjen e fortë dhe shqetësimin e thellë që rekomandimet e saj u injoruan nga qeveria shqiptare dhe vijoi punimet, duke shkatërruar, sipas tij, zonën e mbrojtur të Nartës për qëllimet e interesave të xhepit të kryeministrit Edi Rama dhe oligarkëve pranë tij.

Malltezi shtoi se pa analizë alternativash, pa diskutime për vendndodhjen, duke rrezikuar përmbytje, duke rrezikuar shkatërrime habitati, duke rrezikuar rënie të numrit të popullatave, si dhe rrezik të trafikut ajror ndaj shpendëve migratorë, Rama vendosi vullnetin e tij, bazuar në xhepin e tij dhe mbi asnjë arsye shkencore, apo mjedisore. Ai ka shtuar se ambientalistët e shprehin zhgënjimin e tyre të thellë që, Rama vuri në plan të parë xhepin, sipas tij, dhe trastën në vend të mjedisit.

Deklarata e drejtuesit të Departamentit të Mjedisit në PD, Jamarbër Malltezi:

Përshëndetje!

Ditët e fundit Konventa e Bernës shprehu keqardhjen e fortë dhe shqetësimin e thellë që rekomandimet e saj u injoruan nga qeveria shqiptare dhe vijoi punimet, duke shkatërruar zonën e mbrojtur të Nartës për qëllimet e interesave të xhepit të Edi Ramës dhe oligarkëve pranë tij.

Për fat të keq, pa analizë alternativash, pa diskutime për vendndodhjen, duke rrezikuar përmbytje, duke rrezikuar shkatërrime habitati, duke rrezikuar rënie të numrit të popullatave, si dhe rrezik të trafikut ajror ndaj shpendëve migratorë, Edi Rama vendosi vullnetin e tij, bazuar në xhepin e tij dhe mbi asnjë arsye shkencore, apo mjedisore.

Për këto arsye, ambientalistët e shprehin zhgënjimin e tyre të thellë që, Edi Rama vuri në plan të parë xhepin dhe trastën në vend të mjedisit.

Çfarë ndodhi, nëse para një viti apo dy vitesh, Edi Rama shpalli Vjosën park kombëtar? Ai nuk përfshiu deltën e Vjosës, gjë e cila në çdo lum është pjesa më e rëndësishme biologjike e lumit. Ai shpërfilli dhe ndryshoi ligjin e Zonave të Mbrojtura, ndryshoi hartën e Zonave të Mbrojtura, pikërisht për interesa të xhepit të tij.

Për pasojë, e futi Shqipërinë në probleme të mëdha ligjore, duke mos respektuar Konventat Ndërkombëtare në të cilat Shqipëria bën pjesë.

Bëj thirrje të gjithë ambientalistëve, të gjithë popullatës së Vjosës për qëndresë ndaj planeve të Edi Ramës për të shkatërruar zonat e mbrojtura mjedisore për të vetmin qëllim, pasurimin e tij dhe një grushti oligarkësh rreth tij.

Duhet përballje me këtë qeveri banditësh.

jamarbër malltezi

Sondazh

Poll

MË SHUMË