Aktualitet

I dehur në timon dhe me sasi lënde narkotike në automjet, arrestohet 45-vjeçari në Durrës pasi tentoi t'i shmangej policisë

Sipas policisë, i arrestuari u ndalua nga policia dhe më pas iu bë testi i alkoolit nga i cili ka rezultuar në gjendje të dehur.

11 Dhjetor 2024, 12:25 Nga ZH.LL
I dehur në timon dhe me sasi lënde narkotike në automjet,
policia

DURRËS- Një 45-vjeçar me inicialet M. T., është arrestuar nga policia e Durrësit, pasi nuk i është bindur urdhrit të punonjësve të policisë për të ndaluar mjetin. Sipas policisë, i arrestuari u ndalua nga policia dhe më pas iu bë testi i alkoolit nga i cili ka rezultuar në gjendje të dehur.

Policia e Durrësit njofton se gjatë kontrollit në automjet, iu gjetën dhe sekestruan një sasi lënde e dyshuar kokainë, një elektroshok dhe një thikë.

Njoftimi i policisë:

DVP Durrës/ Specialistët për Hetimin e Narkotikëve arrestuan në flagrancë shtetasin M. T., 45 vjeç, banues në Durrës, pasi në lagjen nr. 14, Durrës, nuk i është bindur urdhrit të punonjësve të Policisë, për të ndaluar automjetin. Pasi u ndalua nga shërbimet e Policisë, iu bë testi i alkoolit, nga i cili rezultoi në gjendje të dehur.

Gjithashtu, gjatë kontrollit në automjet iu gjetën dhe sekuestruan një sasi lënde e dyshuar narkotike kokainë, një elektroshok dhe një thikë.Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

durres

Sondazh

Poll

MË SHUMË