Aktualitet

U kapën me 1 kg kokainë, Gjykata e Tiranës cakton masën "arrest me burg" për Klajdi Sejrani dhe Euxhenjo Manushi

Mësohet se gjatë seancës, Sejrani dhe Manushi kanë mohuar pretendimet për shitje të lëndës narkotike. Ata kanë deklaruar se e kishin për përdorim vetjak dhe jo për trafikim. 

11 Dhjetor 2024, 11:18 Nga ZH.LL
U kapën me 1 kg kokainë, Gjykata e Tiranës cakton masën
Sejrani-Manushi

TIRANË- Dy të rinjtë Klajdi Sejrani dhe Euxhenjo Manushi, të cilët u kapën me 1 kg kokainë në Tiranë, janë njohur sot me masën e sigurisë. Gjykata e Tiranës ka caktuar masën "arrest me burg" për të dy ata, duke rrëzuar kërkesën e avokatëve për masë më të butë.

Mësohet se gjatë seancës, Sejrani dhe Manushi kanë mohuar pretendimet për shitje të lëndës narkotike. Ata kanë deklaruar se e kishin për përdorim vetjak dhe jo për trafikim. 

Klajdi Sejrani dhe Euxhenjo Manushi u kapën në flagrancë pak ditë më parë në kryeqytet me sasinë e kokainës në mjetin e tyre luksoz. Sipas policisë, dyshohet se të dy ata, e shisnin kokainën te grupet e të rinjve, por edhe te personazhe të njohur, por kjo mbetet për tu verifikuar nga ana e prokurorisë së Tiranës.

tirane

Sondazh

Poll

MË SHUMË