Politike

​Eurodeputeti Terras viziton kanalin e Ibër-Lepencit, sheh nga afër dëmet e shkaktuara nga shpërthimi në Zubin Potok (FOTO)

Terras nuk ka pranuar të flasë para gazetarëve. Ai është parë nën shoqërinë e zv.komandantit të Policisë së Kosovës për rajonin e Veriut, Veton Elshani.

10 Dhjetor 2024, 16:54 Nga N.F
​Eurodeputeti Terras viziton kanalin e Ibër-Lepencit, sheh nga afër
Riho Terras

KOSOVË- Raportuesi për Kosovën në Parlamentin Evropian, Riho Terras ka vizituar ditwn e sotme kanalin e Ibër-Lepencit në fshatin Varagë në Zubin Potok. Terras ka parë nga afër dëmet e shkaktuara nga sulmi i 29 nëntorit në kanalin ujor.

Terras nuk ka pranuar të flasë para gazetarëve. Ai është parë nën shoqërinë e zv.komandantit të Policisë së Kosovës për rajonin e Veriut, Veton Elshani. Punimet për riparimin e kanalit janë duke vazhduar me intensitet ndërsa vendi po vëzhgohet nga forca të Policisë së Kosovës. 

Sulmi ka ndodhur në fshatin Varragë të komunës së Zubin Potokut, komunë me shumicë serbe në veri të vendit. Policia e Kosovës ka thënë se sulmi është kryer me lëndë shpërthyese deri në 20 kilogramë. Kanali Ibër-Lepenc furnizon me ujë nga Liqeni i Ujmanit gjithë veriun e Kosovës, rajonet e Mitrovicës, Prishtinën, si dhe Korporatën Energjetike të Kosovës për ftohjen e termoelektranave të saj.

Sulmi në Zubin Potok është dënuar ashpër nga faktori ndërkombëtar. Po ashtu, para se të ndodhte sulmi në Zubin Potok, ka pasur edhe dy incidente me mjete plasëse në veri, një në afërsi të Komunës së Zveçanit dhe një sulm me granata dore në stacionin policor në këtë komunë.

riho terras kosove shperthimi ne zubin potok

Sondazh

Poll