Politike

"Xhaçka"/ Reagimi i Spiropalit për opinionin e Venecias, Bardhi: Kryetarja e Kuvendit duhet ta rilexojë edhe njëherë, ta kuptojë dhe ta zbatojë

Bardhi thotë më tej se "dezinformimi" i kryeparlamentares tregon se ka një tentativë për të vijuar me mbrojtjen e paprecedent ndaj deputetëve që shkelin kushtetutën për përfitime personale.

10 Dhjetor 2024, 15:45 Nga r.ll
"Xhaçka"/ Reagimi i Spiropalit për opinionin e Venecias,
gazment bardhi, elisa spiropali

TIRANË- Kreu i Grupit Parlamentar të PD-së, Gazment Bardhi ka komentuar reagimin e kryetares së Kuvendit, Elisa Spiropalit për opinionin e Komisionit të Venecias. Bardhi shprehet se kryetarja e Kuvendit, duhet ta rilexojë edhe njëherë opinionin e Komisionit të Venecias, që sipas tij, ta kuptojë dhe ta zbatojë. Bardhi thotë më tej se "dezinformimi" i kryeparlamentares tregon se ka një tentativë për të vijuar me mbrojtjen e paprecedent ndaj deputetëve që shkelin kushtetutën për përfitime personale.

REAGIM I KRYETARIT TË GRUPIT PARLAMENTAR TË PD, GAZMENT BARDHI, NDAJ QËNDRIMIT TË KRYETARES SË KUVENDIT

Kryetarja e Kuvendit duhet ta rilexojë edhe njëherë opinionin e Komisionit të Venecias, ta kuptojë dhe ta zbatojë. Dezinformimi i saj që vazhdon edhe pasi opinioni është publik tregon se ka një tentativë për të vijuar me mbrojtjen e paprecedent ndaj deputetëve që shkelin kushtetutën për përfitime personale, tërësisht në të kundër të asaj që Komisioni i Venecias këshillon.

Kryetarja e Kuvendit Elisa Spiropali nga sot ka vetëm një detyrim: Të zbatojë dy vendime të Gjykatës Kushtetuese, siç këshillon në opinionin e tij edhe Komisioni i Venecias. Çdo deformim apo devijim nga thelbi i opinionit dhe përhumbja nga detaje pa thelb nuk ndihmojnë në forcimin e demokracisë dhe as të shtetit ligjor.

Spiropali tha më herët në një postim në "X", se qëndrimi i mazhorancës lidhur me procesin e trajtimit të mandatit të deputetes Olta Xhaçka nuk ishte një qëndrim as politik, as partiak, por një qëndrim kushtetues. Më tej, kryeparlamentarja shprehet se sot morën përgjigje të gjitha akuzat dhe shpifjet kundrejt këtij qëndrimi. 

gazment bardhi elisa spiropali

Sondazh

Poll