Sport

'Dhurata' e Krishtlindjeve nga Real Madridit për tifozët e saj: stërvitje me dyer të hapura më 31 dhjetor, në Valdebebas!

Stëvitja e futbollistëve ‘los blancos’ do të nisë në orën 11:00 në qytetin sportiv Valdebebas.

10 Dhjetor 2024, 15:34 Nga DOSJA
'Dhurata' e Krishtlindjeve nga Real Madridit për tifozët e

SPANJE - Real Madridi do të zhvillojë një seancë stërvitore të hapur, në mënyrë që tifozët e bardhezinjve të shohin idhujt e tyre në veprim.

Më 31 dhjetor, futbollistët do të stërviten me dyer të hapura nën urdhrat e Ancelottit në Valdebebas Sports City, në  stadiumin Alfredo Di Stéfano, duke filluar nga ora 11:00. 

Do të jetë koha perfekte që fansat, përfshirë edhe të vegjlit, të cilët do të jenë me pushime për periudhën e Krishtlindjeve, të vijnë në ambientet sportive për të shijuar idhujt e tyre, Vinicius, Mbappé, Bellingham dhe të tjerë. Të qenit pranë yjeve, pa dyshim, do të jetë një dhuratë e këndshme për shumë prej tyre.

Duke filluar nga data 12 dhjetor, pra kjo e enjte, anëtarët do të mund të kërkojnë bileta për të ndjekur trajnimin me dyer të hapura. Nëse ka më shumë aplikime sesa vende të disponueshme, shorti do të hidhet pranë një noteri të martën, më 17 dhjetor, duke filluar nga ora 12:00.

Nuk është hera e parë që Real Madrid ndërmerr një iniciativë të ngjashme. Është pothuajse një traditë e Krishtlindjeve. Pa shkuar më tej, vitin e kaluar, po këtë bëri klubi i bardhë. Me atë rast ishte 30 dhjetori dhe u mblodhën 5.700 fansa. 

 Stërvitja me dyer të hapura do të vijë pas ndeshjes që skuadra e Ancelottit do të luajë në La Liga më 22 dhjetor kundër Sevillas, në atë që do të jetë lamtumira e Jesús Navas me futbollin profesionist dhe me një vështrim në horizontin e angazhimit të Kupës së Mbretit kundër Deportivas. Ndeshja e shtyrë kundër Valencias është ende në pritje të një date përfundimtare.

B.T (Dosja.al)

Sondazh

Poll

MË SHUMË