Aktualitet

Plagosje me thikë në Vlorë/ Shpallet në kërkim autori me precedentë penalë, 41-vjeçari i plagosur në gjendje të rëndë (EMRAT)

Mësohet se ngjarja ka ndodhur rreth orës 20:27, në lagjen “15 Tetori”. Policia bën me dije se plagosja ka ndodhur për motive të dobëta.

1 Dhjetor 2024, 21:38 Nga N.F
Plagosje me thikë në Vlorë/ Shpallet në kërkim autori
Foto ilustruese

TIRANË- Një 41-vjeçar ka mbetur i plagosur mbrëmjen e sotme në Vlorë. Mësohet se ngjarja ka ndodhur rreth orës 20:27, në lagjen “15 Tetori”. Policia bën me dije se plagosja ka ndodhur për motive të dobëta.

Në lidhje me ngjarjen është shpallur në kërkim një 51-vjeçar Abaz Rohani i cili është person me precedente të mëparshëm penalë. 51-vjeçari ka plagosur me thikë 41-vjeçarin, Xhafer Kamberi. Pas plagosjes autori është larguar nga vendi i ngjarjes. Ndërkohë i plagosuri ndodhet në spital në gjendje të rëndë.

Njoftimi i plotë:

Vlorë/Informacion paraprak/ Rreth orës 20:27, në lagjen “15 Tetori”, dyshohet se për motive të dobëta, shtetasi A. R., 51 vjeç, person me precedent penal, ka plagosur me mjet prerës (thikë) shtetasin Xh. K., 41 vjeç, banues në lagjen “24 Maji”, dhe më pas është larguar nga vendi i ngjarjes.

Shtetasi Xh. K. ndodhet në Spitalin Rajonal Vlorë, nën kujdesin e mjekëve, në gjendje të rënduar shëndetësore. Grupi hetimor ndodhet në vendngjarje dhe po punon për kapjen e autorit të dyshuar, si dhe për zbardhjen e plotë të rrethanave të ngjarjes.

plagosje ne vlore

Sondazh

Poll