Politike

Buxheti 2025/ Pas 11 muajve në izolim, Berisha rikthehet në Kuvend, do depozitojë dy amendamente

Gjithashtu të martën në seancën ku diskutohet për buxhetin e 2025 Berisha do të dorëzojë dy amendamente, të cilat sikurse e përcakton rregullorja prezantohen nga deputeti propozues. 

1 Dhjetor 2024, 21:29 Nga DOSJA
Buxheti 2025/ Pas 11 muajve në izolim, Berisha rikthehet në
Sali Berisha

TIRANË- Kreu i Partisë Demokratike Sali Berisha do të kthehet në Kuvend të martën (3 Dhjetor), për herë të parë pas thuajse 1 viti izolim në shtëpi. Gjithashtu të martën në seancën ku diskutohet për buxhetin e 2025 Berisha do të dorëzojë dy amendamente, të cilat sikurse e përcakton rregullorja prezantohen nga deputeti propozues. 

I pari ka të bëjë me Pezullimin e të gjitha prokurimet për investime publike luksi të qeverisjes qendrore, deri në momentin e miratimit me ligj të masës financiare të minimumit jetik në Republikën e Shqipërisë. Ndërsa i dyti ka të bëjë me ndalimin e çdo pagese për shpenzime operative luksi të qeverisjes qendrore, deri në momentin e rritjes reale të pensioneve. 

Këto amendamente, përfshihen në mesin e 34 amendamentesh të tjera të propozuara nga PD. PD ka deklaruar se krye-amendament ka atë për përcaktimin e minimumit jetik, por edhe më shumë mbështetje për pensionistët, shëndetësinë e arsimin.

sali berisha

Sondazh

Poll