Politike

Flamur Noka nga Vlora: Lirimi i Berishës erdhi si pasojë e zhvillimeve të vrullshme politike

Po ashtu Noka theksoi se një tjetër faktor i rëndësishëm për lirimin e Berishës ishte dhe rezistenca e shqiptarëve në vend.   

28 Nëntor 2024, 11:19 Nga I.A
Flamur Noka nga Vlora: Lirimi i Berishës erdhi si pasojë e zhvillimeve
Noka

VLORË- Sekretari i Përgjithëm i Partisë Demokratike Flamur Noka ka komentuar lirimin e kreut të PD-së nga arresti shtëpiak. Gjatë fjalës së tij në Vlorë, Noka tha se lirimi i Berishës erdhi si pasojë e zhvillimeve të vrullshme politike jashtë vendit. Po ashtu Noka theksoi se një tjetër faktor i rëndësishëm për lirimin e Berishës ishte dhe rezistenca e shqiptarëve në vend.   

"Lirimi i zotit Berisha erdhi si pasojë e zhvillimeve të vrullshme politike. E para ishte fitorja e presidentit Trump në SHBA, çka preu metastazat e Xhorxh Sorosit edhe në Shqipëri. E dyta janë rezolutat dhe mbështetja e partnerëve që i bënë PD-së. Kujtoj këtu rezolutat e CDI dhe PPE, dy rezoluta që flasin qartësisht për një shtet të kapur nga krimi dhe korrupsioni, një shtet ku opozitës i janë mbyllur hapësirat, një shtet pa liri ku drejtësia përdoret si marionetë në duart e pushtetit kundër opozitës. Flasin qartësisht për burgosjen e lidershipit të opozitës.

Faktori i tretë dhe kryesorja është rezistenca dhe qëndresa e demokratëve në të gjithë Shqipërinë. Është mosbindja civile. Të gjitha këto bënë që më në fund e vërteta dhe vetëm e vërtetë ta triumfojë. Strasburgu pastaj ishte një sirenë alarmi për drejtësinë e Xhorxh Sorosit në Shqipëri. Strasburgu ndërmori hapa të shpejtë, një procedurë të përshpejtuar për të shqyrtuar çështjen e burgosjes politike të Sali Berishës. Kjo bëri që të nguten sepse Strasburgu do rrëzonte përtokë përfundimisht drejtësinë e Xhorxh Sorosit në Shqipëri," tha Noka.

flamur noka

Sondazh

Poll

MË SHUMË