Sport

Sylvinho: “Ndryshuam ndaj Çekisë, dhe vetëm 20 minutat e para nuk më pëlqyen”

Sylvinho u shpreh se bëri disa ndryshime në krahasim me ndeshjen në Pragë, duke thënë se në rast se ekipi do të kishte luajtur si në Çeki, do të kishte humbur edhe këtë herë.

17 Nëntor 2024, 03:02 Nga DOSJA

Sylvinho: “Ndryshuam ndaj Çekisë, dhe vetëm 20 minutat e

TIRANE - Trajneri kuqezi, braziliani Sylvinho, pas ndeshjes Shqipëri - Çeki (0-0), deklaroi në mikrofonin e TV Klan, se e vetmja gjë që nuk i pëlqeu në këtë takim nga ekipi, ishin 20 minutat e para. Ai theksoi, gjithashtu se barazimi lë gjithçka të hapur në grup.

“Barazimi është një rezultat që lë çdo gjë të hapur. Është një grup i ekuilibruar. Çekia është ekip i ashpër dhe kanë ritëm. E vetmja gjë që nuk më ka pëlqyer në këtë ndeshje janë 20 minutat e para. Ishte e vështirë për t’u përballur me Çekinë. Jam krenar për ekipin tim.

Është një ekip i vështirë për t’u përballur. Janë lojtarë shumë të gjatë. Nuk është se lojtarët tanë nuk iu përshtatën skemave, por ishte një rival i vështirë. Duke bërë presion dhe me topin e gjatë nxjerr sulmuesit para”, tha ai.  

Sylvinho u shpreh se bëri disa ndryshime në krahasim me ndeshjen në Pragë, duke thënë se në rast se ekipi do të kishte luajtur si në Çeki, do të kishte humbur edhe këtë herë.

“Nuk më surprizoi Çekia me qarkullimin e topit. Kemi bërë ndryshime nga ndeshja e parë. Nëse do të luanim si në Pragë, do të kishim humbur këtu. Lojtarët iu përshtatën ndryshimeve.

Mendoj se ky barazim na lë hapësira të luajmë për vendin e parë. Kampionati çek është shumë i fortë. Ne kemi stil ndryshe, luajmë më shumë futboll dhe jemi më teknikë”, deklaroi Sylvinho.

 

B.T (Dosja.al)

Sondazh

Poll

MË SHUMË