Aktualitet

I akuzuar për shpërdorim detyre/ Kalon për gjykim çështja ndaj ish-kryebashkiakut të Himarës, Jorgo Goro

Goro është marrë i pandehur për veprat penale të “shpërdorimit të detyrës” dhe “fshehjes së pasurisë”.

15 Nëntor 2024, 11:23 Nga ZH.LL
I akuzuar për shpërdorim detyre/ Kalon për gjykim
Jorgo Goro

TIRANË- Çështja ndaj ish kryebashkiakut të Himarës, Jorgo Goro ka kaluar për gjykim këtë të premte, pas kërkesës së Prokurorisë së Posaçme. Jorgo Goro kërkoi gjykim të shkurtuar, ndërsa gjykata do të shprehet në seancën e radhës për kërkesën e tij.

Goro është marrë i pandehur për veprat penale të “shpërdorimit të detyrës” dhe “fshehjes së pasurisë”.

Ish-kryebashkiaku i Himarës u arrestua për shpërdorim detyre, kryer në bashkëpunim në lidhje me tjetërsimin e një sipërfaqeje toke, që gjendet në fshatin Gjilekë të Dhërmiut, të cilën Gjykata e Posaçme e ka nën sekuestro. Këto sipërfaqe prej rreth 10 mijë metra katror janë sekuestruar nga SPAK dhe si përfitues fundor kishin ish-deputetin Artan Gaçi.

Goro u arrestua në muajin mars të këtij viti, pas kallëzimit te depozituar nga Fredi Beleri, i cili la qelinë pak muaj më parë.

Për të njëjtën çështje, do të gjykohet edhe ish-kreu i Kadastrës së Vlorës, Bilbil Aliaj, i cili ndodhet në masën e sigurisë ‘detyrim paraqitje’ si dhe ish-juristi Vezir Gjikoka që ka masën ‘arrest në shtëpi’.

 

jorgo goro spak ishkryebashkiaku i himares shperdorim detyre

Sondazh

Poll

MË SHUMË