Aktualitet

Konflikti në familjen mbretërore/ Prokuroria e Tiranës shpall pretencën për Princ Lekën, Elia Zaharinë dhe babain e saj

Nëse të tre shpallen fajtor nga Gjykata dënimi do t’iu konvertohet në shërbim prove.

13 Nëntor 2024, 15:46 Nga r.ll
Konflikti në familjen mbretërore/ Prokuroria e Tiranës shpall
pamje nga konflikti

TIRANË- Konflikti i para disa muajve në familjen mbretërore ka bërë bujë, ndërsa ditën e sotme Prokuroria e Tiranës ka dhënë pretencën për çështjen.  Prokuroria kërkon që persona e përfshirë në konflikt , Princ Leka, ish-bashkëshortja e tij Elia Zaharia dhe babai i saj Gjergj Zaharia, të shpallen fajtorë. 

Sipas raportimeve, organi i akuzës kërkon dënimin me 1 vit e 6 muaj për Princ Lekën, 6 muaj për Elia Zaharinë dhe 1 vit për babanë e saj. Nëse të tre shpallen fajtor nga Gjykata dënimi do t’iu konvertohet në shërbim prove. Të tre personat akuzohen për “dhunë në familje”, u gjykuan me procedurën e gjykimit të shkurtuar, ndërsa seanca për shpalljen e vendimit nga gjyqtarja Migena Laska do të mbahet më 13 dhjetor. 

Divorci mes çiftit mbretëror është bërë me dakordësinë e të dy palëve, dhe përsa i përket vajzës së tyre 3-vjeçare është vendosur që të lihet nën kujdesin e të ëmës. Për më tepër është rënë dakord që Princi Leka të takojë të bijën çdo ditë të javës nga dy orë dhe në fundjavë ka të drejtë takimi pa orar të kufizuar.

konflikti ne familjen mbreterore prokuroria e tiranes

Sondazh

Poll

MË SHUMË