Politike

Komisioni hetimor për Koncesionet në Shëndetësi/ Opozita thirrje për të dëshmuar Rama dhe Vilma Nushi (DOKUMENTI)

Deputetët e opozitës kërkojnë paraqitjen e Nushit e cila, sipas tyre, është përfituese indirekte dhe direkte 1.5 mln eurove nga dividenti.

13 Nëntor 2024, 09:36 Nga M.B
Komisioni hetimor për Koncesionet në Shëndetësi/ Opozita
Komisioni

TIRANA- Anëtarët e opozitës në Komisionin Hetimor për Sterilizimin kanë paraqitur dokumentin ku kërkojnë këtë të mërkurë të dëshmojë Edi Rama në cilësinë e Kryeministrit i cili ka firmosur VKM-në për dhënien me konçension të këtyre shërbimeve duke mbështetur e promovusar publikisht këto konçensione edhe pas fillimit të çështjes penale nga organet e drejtësisë.

Në dokumentin e publikuar kërkohet thirrja si dëshmitare po këtë të mërkurë edhe e Vilma Nushit në cilësinë e pronares së dy kompanive e cila është pjesë e një prej koncesioneve objekt i veprimtarise hetimore të këtij Komisioni. Deputetët e opozitës kërkojnë paraqitjen e Nushit e cila, sipas tyre, është përfituese indirekte dhe direkte 1.5 mln eurove nga dividenti.

Refuzimi i përsëritur nga ana e anëtarëve të mazhorancës në këtë Komision, për të thirrur si dëshmitarë Ramën dhe Vilma Nushi, për anëtarët e opozitës, është tërësisht në kundërshtim me Vendimin e Gjykatës Kushtetuese sa i takon Ligjit për Komisionet Hetimore dhe ligjet në fuqi.

"Komisioni është i detyruar që të thërrasë për të dëshmuar para tij, jo vetëm Z. Edi Rama por të gjithë personat për të cilët anëtarët e opozitës, si inicues të këtij Komisioni, kanë kërkuar që të paraqiten e të dëshmojnë", thuhet në dokumentet e publikuara.

komisioni hetimor per shendetsine

Sondazh

Poll

MË SHUMË