Politike

"PD do të bëjë gjithçka për ta"/ Këlliçi: Çështja e pensionistëve, emergjencë kombëtare

Gjithashtu ai tha se Partia Demokratike synon të sigurojë një pension minimal për çdo pensionist, duke e parë këtë si një nevojë urgjente.

12 Nëntor 2024, 21:57 Nga E. D
"PD do të bëjë gjithçka për ta"/
Belind Këlliçi

TIRANË- Anëtari i Kryesisë së Partisë Demokratike Belind Këlliçi, ka theksuar rëndësinë e shpalljes së disa emergjencave kombëtare për Shqipërinë. Këlliçi i ftuar në emisionin “A Show” me Adi Krastën në SYRI TV, përmendi se ndër përparësitë e kësaj iniciative është mbështetja për pensionistët, duke theksuar domosdoshmërinë e një skeme të qëndrueshme të pensioneve.

Gjithashtu ai tha se Partia Demokratike synon të sigurojë një pension minimal për çdo pensionist, duke e parë këtë si një nevojë urgjente. Po ashtu Këlliçi vuri në dukje se shumë emigrantë shqiptarë mbështesin ekonomikisht familjet e tyre në atdhe, çka shton nevojën për rritjen e standardeve sociale për të moshuarit.

"Sa i përket Shqipërisë, Partia Demokratike është në prag të shpalljes së disa emergjencave kombëtare. Aktualisht janë pesë pikat kryesore, ku e para lidhet pikërisht me pensionistët. Ne duhet të sakrifikojmë gjithçka për të garantuar skemën e pensioneve dhe për të siguruar një pension minimal për pensionistët. 

Duke qenë se këtë herë, për herë të parë, voton edhe diaspora, kërkesa kryesore e diasporës është lidhur me pensionet, pasi pjesa më e madhe e tyre kanë familje këtu prindërit, brezi im, më të rinjtë ose pak më të mëdhenjtë, të cilët janë larguar nga Shqipëria por ende mbajnë ekonominë shqiptare me remitancat e tyre.

Shumica e tyre kanë prindërit në Shqipëri. Po të mos ishin ata, prindërit e tyre këtu do të vuanin për bukë, duhet ta themi këtë sepse është realitet, dhe sot një çift të moshuarish nuk mund ta përballojë jetesën me pensionet që jep qeveria shqiptare.

Duke thënë këtë, një nga kërkesat kyçe që kishim nga diaspora, dhe që qytetarët që kam takuar në Shtetet e Bashkuara të Amerikës kanë shprehur, ishte çështja e pensioneve. Pensionet në Shqipëri janë në kufijtë e qesharakes," u shpreh Këlliçi.

belind këlliçi

Sondazh

Poll

MË SHUMË