Sport

VD/ Kombëtarja shton radhët... kuqezinjtë kryejnë stërvitje në “Shtëpinë e Futbollit”

Kombëtarja shqiptare zhvilloi pasditen e sotme seancën e dytë stërvitore në ambientet e “Shtëpisë së Futbollit”.

12 Nëntor 2024, 17:53 Nga DOSJA

VD/ Kombëtarja shton radhët... kuqezinjtë kryejnë

TIRANE - Departamenti i Komunikimi në FSHF bën me dije se me grupin në stërvitje nuk ishin vetëm Jon Mersinaj dhe Adrian Bajrami. Të dy lojtarët do të bashkohen në mbrëmje me skuadrën në hotelin ku futbollistët kuqezi qëndrojnë të grumbulluar.

Në seancën e sotme stërvitore u bashkuan me grupin edhe Elhan Kastrati, Arlind Ajeti, Enea Mihaj, Amir Abrashi, Qazim Laçi, Jasir Asani, Taulant Seferi, Nedim Bajrami, Arbnor Muja, Ernest Muçi dhe Indrit Tuci.

I pranishëm ishte edhe Mirlind Daku, por futbollisti u stërvit vetëm në palestër për shkak të lodhjes gjatë udhëtimit për në Tiranë. Seanca e sotme stërvitore e Kombëtares nisi me punën në palestër dhe më pas kuqezinjtë zbritën në fushë për përgatitje atletike dhe ushtrime taktike.

Ndeshja e parë e nëntorit Shqipëri - Çeki, do të luhet të shtunën më 16 nëntor, në stadiumin “Air Albania”, në orën 20:45.

B.T (Dosja.al)

Sondazh

Poll

MË SHUMË