Sport

Van Nistelrooy: "Asnjë kontakt me Amorim. Vështirë të flas për të ardhmen time tani"

“Unë e mirëpres Rubenin, jam i lumtur ta ndihmoj…”

7 Nëntor 2024, 09:30 Nga DOSJA

Van Nistelrooy: "Asnjë kontakt me Amorim. Vështirë të

ANGLI - Ruud van Nistelrooy, trajner i përkohshëm i Manchester United, ka folur në një konferencë për shtyp, në prag të ndeshjes së Europa League kundër PAOK-ut, për shumë tema. E para që ai trajton lidhet me gjendjen fizike të Tyrell Malacia: “Ai po stërvitet plotësisht në skuadër, pa kufizime dhe është mirë të planifikoj minutat e tij të lojës, ndoshta në ekipin U21”.

A është gati Leny Yoro të thirret sërish?
"Është një moment i rëndësishëm për të, hera e parë që ai rikthehet në stërvitje me ekipin. Në javët e ardhshme do ta vëmë pjesërisht në dispozicion dhe do të përpiqemi ta nxjerrim në fushë sa më shpejt të jetë e mundur."

Keni pasur tani kontakte me Ruben Amorimin?
“Jo, nuk kam pasur asnjë kontakt deri më tani, nuk ka ndryshime në këtë kuptim dhe nuk e di ende se kur do ta bëj. Është e vështirë të komentoj për të ardhmen time tani. Pres të bëhen biseda. Duhet të them se ndiej përgjegjësi për të bërë mirë javën tjetër dhe kjo është puna ime, unë e mirëpres Rubenin, jam i lumtur ta ndihmoj dhe kjo është situata për momentin.

A mund të bëhet Hojlund një Gyokeres i ri?
"Rasmus duhet të qëndrojë i qetë dhe të besojë në vetvete. Shumica e golave ​​shënohen në zonën e rreptësisë, kështu që ne duam t'i çojmë lojtarët tanë shumicën e kohës atje. Ai është një djalë që mund të ndryshojë një lojë në një sekondë".

Po shënoni pak sepse krijoni pak?
"Unë nuk jam dakord, që nuk kemi krijuar raste të mjaftueshme. Nëse shikoni statistikat, ne po krijojmë raste, kështu që nuk jam i shqetësuar."

B.T (Dosja.al)

Sondazh

Poll

MË SHUMË