Sport

Manchester City në krizë!... ata nuk kishin humbur 3 ndeshje radhazi për më shumë se 6 vjet. Guardiola në vështirësi

Dëmtimi i Rodrit është një nga ato që rëndon dhe trajneri spanjol nuk ka gjetur ende një mënyrë për të përmirësuar performancën e lojtarëve të tij pa të.

6 Nëntor 2024, 12:00 Nga DOSJA

Manchester City në krizë!... ata nuk kishin humbur 3 ndeshje radhazi

ANGLI - Moment shumë i komplikuar për Manchester Cityn dhe Pep Guardiolën. Skuadra kampione e Anglisë në fuqi humbi keq 4-1 ndaj Sporting CP, ndeshje që kishte nisur në mënyrën më të mirë të mundshme me golin e Phil Foden pas pak minutash.

Pas humbjes në Carabao Cup, me pasojë eliminimin dhe humbjes në Premier League, ka mbërritur edhe humbja në Champions League.

Manchester City nuk ka humbur tre ndeshje radhazi që nga prilli i vitit 2018, mbi 6 vite, ndërsa Guardiola nuk ka humbur asnjëherë 4 ndeshje radhazi, që kur është trajner në Etihad.

Dëmtimi i Rodrit është një nga ato që rëndon, po ndjehet mungesa e mesfushorit që sapo ka fituar “Topin e Artë” dhe trajneri spanjol nuk ka gjetur ende një mënyrë për të përmirësuar performancën e lojtarëve pa të.

Seria e dobët e golave ​​të Erling Haaland është një tjetër çështje shumë delikate: norvegjezi ka shënuar vetëm një gol në 5 ndeshjet e fundit të Premier League.

Mbrëmë ai humbi një penallti, duke humbur keq garën me danezin Viktor Gyokeres, shënues i një ‘hat-trick’, edhe pse dy nga golat i shënoi nga njëmbëdhjetë metra.

Amorim tashmë ka mposhtur Guardiolën, teksa së shpejti do të jetë në pankinën e “Djajve të Kuq”, duke paralajmëruar se derbi i Mançesterit do të jetë sërish i ndezur si dikur.

B.T (Dosja.al)

Sondazh

Poll

Sport 6 Nëntor 2024, 10:00

Carlo Ancelotti: "Jam i shqetësuar"...

SPANJE - Trajneri i Real Madridit, Carlo Ancelotti, pas humbjes (1-3) ndaj Milanit, ka folur për Movistar +: “Jam i shqetësuar dhe d...