Bota

Qeveria e Erdogan heq nga detyra tre kryebashkiakë pro-kurdë me akuza për terrorizëm

Kryebashkiakët e qyteteve kryesore të Mardinit dhe Batmanit dhe atij të qytetit Halfeti, të tre në juglindjen e Turqisë  me mbizotërim kurd, u zëvendësuan nga guvernatorët e emëruar nga shteti.

4 Nëntor 2024, 08:02 Nga N.F
Qeveria e Erdogan heq nga detyra tre kryebashkiakë pro-kurdë me akuza
Erdogan

TURQI- Tre kryebashkiakë nga Partia për Barazi Popullore dhe Demokraci (DEM, dikur HDP), partia kryesore pro-kurde e Turqisë, janë liruar nga detyra pasi u akuzuan për "terrorizëm". Lajmin e njoftoi sot Ministria e Brendshme turke.

Kryebashkiakët e qyteteve kryesore të Mardinit dhe Batmanit dhe atij të qytetit Halfeti, të tre në juglindjen e Turqisë  me mbizotërim kurd, u zëvendësuan nga guvernatorët e emëruar nga shteti. Kryetari i Bashkisë së Mardinit, Ahmet Turk, një figurë popullore në lëvizjen kurde dhe në moshën 82-vjeçare, ishte rrëzuar dhe burgosur për muaj të tërë gjatë mandateve të tij të mëparshme, pasi autoritetet turke e akuzojnë atë për marrëdhënie me militantët e Partisë së Punëtorëve të Kurdistanit, PKK.

Turk dhe dy kryebashkiakët e tjerë pro-kurdë u zgjodhën në zgjedhjet lokale në mars, të cilat shënuan një fitore dërrmuese për opozitën ndaj Partisë Islame-konservatore për Drejtësi dhe Zhvillim, AKP të Presidentit Rexhep Tajip Erdogan. Largimet vijnë disa ditë pas arrestimit të një kryetari bashkie të një bashkie të Stambollit nga partia kryesore opozitare e Turqisë, socialdemokrate CHP, me akuza për lidhje me PKK.

erdogan turqi kryebashkiake pro-kurde

Sondazh

Poll

MË SHUMË