Aktualitet

Babai plagosi 15-vjeçarin me thikë, flet xhaxhai: U zunë për telefonin, rrinte në TikTok

Teksa u shpreh i tronditur nga ngjarja, ai ka treguar gjendjen e adoleshentit dhe se gjithçka ka ndodhur pasi nipi i tij ishte në telefon dhe shihte TikTok.

30 Tetor 2024, 13:41 Nga ZH.LL
Babai plagosi 15-vjeçarin me thikë, flet xhaxhai: U zunë
Xhaxhai i 15-vjeçarit

MALIQ- Xhaxhai i 15-vjeçarit, i cili u plagos me thikë ditën e sotme nga babai ka rrëfyer për mediat momentin kur mori vesh lajmin. Teksa u shpreh i tronditur nga ngjarja, ai ka treguar gjendjen e adoleshentit dhe se gjithçka ka ndodhur pasi nipi i tij ishte në telefon dhe shihte TikTok.

“Unë e kam nip. Më iku truri kur e mora vesh. Janë zënë për një punë telefoni. Shihte Tik-Tok dhe i ati ia mori dhe ja theu. Po nuk e di saktë ku e plagosi, në veshka apo kurriz”, është shprehur ai.

Ndërkohë, fqinjët e familjes tregojnë se nuk kishin dëgjuar asgjë nga momenti i konfliktit, por se marrëdhënia mes djalit dhe babait ka qenë e mirë. “Familje shumë e mirë edhe i ati edhe i biri, nuk di të kishin konflikte më parë. Ka vetëm një djalë, shkonte rregullisht në shkollë, mësonte. Mbrëmë i pashë të dy ishin shumë të qetë kur po ktheheshin në shtëpi. Djali e ndihmonte edhe në punët e bujqësisë”, deklaroi një prej fqinjëve të tyre.

Ndërkohë  më herët Shpëtim Çuka, babai që plagosi të birin, rrëfeu versionin e tij të ngjarjes. Ai tha se sherri me të birin nisi pasi ai nuk donte të shkonte në shkollë dhe rrinte në telefon. Ai shtoi se kishte një biçak në dorë dhe më atë goditi të birin, pasi 15-vjeçari nuk e dëgjonte.

maliq plagosje me thike

Sondazh

Poll

MË SHUMË