Në një konferencë për shtyp, Blushi tha se protesta e sotme është një reagim legjitim i shqiptarëve të ndershëm për të mbrojtur lirinë dhe demokracinë në vend.
TIRANË- Sekretari i Përgjithshëm i Partisë së Lirisë, Tedi Blushi, bëri thirrje për një revoltë të gjerë qytetare kundër regjimit të Edi Ramës, të cilin e akuzoi për korrupsion dhe kontroll mbi drejtësinë. Në një konferencë për shtyp, Blushi tha se protesta e sotme është një reagim legjitim i shqiptarëve të ndershëm për të mbrojtur lirinë dhe demokracinë në vend.
Ai theksoi rëndësinë e pjesëmarrjes së të gjitha strukturave të Partisë së Lirisë dhe simpatizantëve në pikat kryesore të protestës në disa qarqe të Shqipërisë. Sipas Blushit kjo revoltë, synon të tregojë forcën e opozitës kundër padrejtësive dhe presionit politik që po ushtrohet ndaj saj.
"Revolta e sotme është një revoltë legjitime e gjithë shqiptarëve të ndershëm dhe patriotë për t’i dhënë një mësim historik narkoshtetit të Edi Ramës dhe narkodrejtësisë që gjithashtu kontrollohet nga Edi Rama dhe që po përbën çdo përpjekje për të mbajtur në këmbë këtë regjim të inkriminuar dhe të korruptuar, duke u përpjekur që nëpërmjet rrëmbimit terrorist dhe izolimit politik të presidentit të Partisë së Lirisë, zotit Ilir Meta, si dhe nëpërmjet izolimit politik të liderit historik të Partisë Demokratike, prof. dr. Sali Berisha, dhe burgosjeve politike të figurave të opozitës që denoncojnë më fort inkriminimin dhe korrupsionin e Edi Ramës, ta rënditë Shqipërinë si vendin e parë në kontinent pas rënies së perdes së hekurt.
Kjo është një situatë ku, megjithëse aspiron për Bashkimin Europian, Shqipëria ka drejtuesit e vërtetë të opozitës të burgosur politikisht. Sot, të gjithë anëtarët e Partisë së Lirisë dhe të gjithë simpatizantët e saj do të jenë në ballë të protestës. Strukturat tona në Tiranë janë të thirrura të jenë prezente te segmenti Casa Italia - Sheshi Shqiponja; strukturat në qarkun Kukës, Shkodër dhe Lezhë do të jenë sot në këmbë te rrethrrotullimi i Milotit; të gjitha degët e qarkut të Durrësit do të jenë sot në krye të protestës dhe mosbindjes civile te rrethrrotullimi i Shkozetit.
Të gjithë anëtarët dhe simpatizantët e qarkut të Elbasanit dhe të Korçës do të jenë të pranishëm në rrethrrotullimin e Bradasheshit; anëtarët dhe simpatizantët e PL në degët e Kavajës, Rrogozhinës, Lushnjes dhe Divjakës do të jenë të pranishëm te rrethrrotullimi i Rrogozhinës. Gjithashtu, të gjithë anëtarët, simpatizantët dhe mbështetësit e PL do të jenë në ballë të protestës te rrethrrotullimi i Levanit, ku do të jenë prezent strukturat tona të qarkut të Fierit, Vlorës, Beratit dhe Gjirokastrës," u shpreh Blushi.
luan baci TIRANË- Pas një ore pritet të nisë protesta e thirrur nga opozita dhe që do të mbahet në disa akse të ve...
Takimi TIRANË- Sot u realizua takimi i grupit parlamentar të Partisë Demokratike me europarlamentarët të Komisionit të Pë...
Foto nga vendi i ngjarjes TIRANA- Kreu i Grupit Parlamentar të Partisë Demokratike, Gazment Bardhi ka reaguar pas sulmit me vezë dhe ko...
Tezja e Kryemadhit në GJKKO TIRANA- Tezja e deputetes Monika Kryemadhit u paraqit sot në Gjykatën e Posaçme Antikorrupsion p&eum...
Vangjush Dako TIRANË- Seanca ndaj ish-kryebashkiakut të Durrësit, Vangjush Daku ka dështuar. Mungesa e ish kryebashkiakut Dako dhe i av...
Edi Rama dhe Fredi Beleri TIRANA- Para se takimi i tij me kryeministrin Edi Rama të anulohej, eurodeputeti Fredi Beleri ësht...
Ilir Beqaj TIRANË- Gjykata e Posaçme ka urdhëruar sekuestrimin e një apartamenti në Vlorë në pronësi të...
Rama dhe Beleri TIRANË- Një takim i shumëpritur mes Fredi Belerit, eurodeputet nga partia Demokracia e Re e Greqisë, dhe kryeminis...
Edi Rama FIER- Kryeministri Edi Rama ka folur sot në Fier lidhur me bonusin për pensionistët. Rama u ka premtuar pensionistëve se k&eum...
Edi Rama FIER- Kryeministri Edi Rama ka paralajmëruar sektorin privat që të deklarojë pagat e plota punonjësve, në t&eum...