Aktualitet

Aksident në Lezhë/ Motori përplas të moshuarën, 75-vjeçarja ndërron jetë në spital

Mësohet se një motor ka përplasur një 75-vjeçare pranë kryqëzimit Ishull Lezhë.

24 Tetor 2024, 13:56 Nga N.F
Aksident në Lezhë/ Motori përplas të moshuarën,
Foto ilustruese

LEZHË- Një aksident i rëndë është regjistrua mesditën e sotme në aksin rrugor Lezhë-Laç. Mësohet se një motor ka përplasur një 75-vjeçare pranë kryqëzimit Ishull Lezhë.

Fatkeqësisht e moshuara nuk ka mundur ti përballojë plagët dhe ka ndërruar jetë në spital. Ende nuk dihen shkaqet e aksidentit. Drejtuesi i motoçikletës me inicialet I. Ll., u arrestua në flagrancë për veprën penale “Shkelja e rregullave të qarkullimit rrugor”, me pasojë vdekjen.

Njoftimi:

Paraditen e sotme, në aksin rrugor “Lezhë-Milot”, shtetasi I. Ll., 40 vjeç, banues në Shkodër, duke drejtuar motoçikletën, ka përplasur shtetasen Gj. Z., 75 vjeçe, banuese në Lezhë, këmbësore. Shtetasja Gj. Z. u transportua në spital, por pavarësisht ndihmës mjekësore, ka humbur jetën.

Në përfundim të veprimeve të kryera nga grupi hetimor, drejtuesi i motoçikletës, shtetasi I. Ll., u arrestua në flagrancë për veprën penale “Shkelja e rregullave të qarkullimit rrugor”, me pasojë vdekjen. Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

aksident ne lezhe viktimë

Sondazh

Poll

MË SHUMË