Aktualitet

Trafikonin drogë në Itali/ Arrestohen katër të rinj shqiptarë, dyshohet se ata rekrutonin bashkëatdhetarë dhe i fusnin të shpërndanin kokainë

Po ashtu raportohet se autorët e dyshuar rekrutonin të rinjtë nga një fshat i vogël të Shqipërisë dhe u paguanin biletën për të shkuar në vendin fqinj dhe më pas i vendosnin në shërbim duke shpërndarë kokainë në rrugë dhe në shtëpi.

24 Tetor 2024, 08:59 Nga N.F
Trafikonin drogë në Itali/ Arrestohen katër të rinj
Foto ilustruese

ITALI- Katër shqiptarë janë arrestuar nga autoritetet italiane pasi akuzohen se merren me trafikimin e substancave narkotike. Dyshohet se në krye të grupit ishte një çift. Gjykata caktoi masën e sigurisë me burg për burrin dhe arrest shtëpie për gruan.

Ndërkohë për dy të tjerët përgjegjës për një numër më të vogël shitjesh të lëndësh narkotike, gjykata i ndaloi qëndrimin në provincën Forlì-Cesena. Po ashtu raportohet se autorët e dyshuar rekrutonin të rinjtë nga një fshat i vogël të Shqipërisë dhe u paguanin biletën për të shkuar në vendin fqinj dhe më pas i vendosnin në shërbim duke shpërndarë kokainë në rrugë dhe në shtëpi.

Hetimi nisi në prill të këtij viti, pas raportimeve për aktivitete të trafikut të drogës që po zhvilloheshin në qytetet bregdetare. Pas kontrolleve të kryera në banesë në Cesenatico, oficerët gjetën një sasi kokaine dhe 6,000 euro që besohet se ishin të ardhura nga tregtia e drogës.

itali arrestohen 4 shqiptare

Sondazh

Poll

MË SHUMË