Politike

"Dita e mosbindjes së madhe civile!" Berisha: Data 29, data e paralizës së plotë të Shqipërisë

Ai gjithashtu, ftoi qytetarët që t'i bashkohen kësaj proteste.

21 Tetor 2024, 19:51 Nga M.B
"Dita e mosbindjes së madhe civile!" Berisha: Data 29, data e
Sali Berisha

TIRANA- Pasi njoftoi gjatë mbledhjes së Kryesisë së Partisë Demokratike protestën e radhës më datë 29 tetor, kreu i kësaj force politike, Sali Berisha tha se kjo është data e paralizës së plotë të Shqipërisë. Berisha tha se data 29 është dita e mosbindjes së madhe civile, dita e vazhdimit të betejës. Ai gjithashtu, ftoi qytetarët që t'i bashkohen kësaj proteste.

Pjesë nga fjala e Berishës:

Miqtë e mi! Sot kryetari i Partisë së Lirisë, nga një grup terroristësh me uniformë, u rrëmbye brutalisht, u zvarrit, u qëllua tek kthehej në detyrë, tek vinte në Tiranë në detyrë, vetëm e vetëm që Edi Rama të shfryente urrejten e tij.
Vetëm e vetëm të realizonte ëndërrën e tij për shkatërrimin e një partie opozitare. Vetëm e vetëm të mund të mbulonte sadopak varret që kanë hapur deputetë e tij, krimet që ka kryer ai me deputetë e tij.

Vetëm e vetëm që të arkivonte sado pak, ta mbulonte sado pak, Çyrben e tij, këtë kriminel që fshihte dhe mbronte Altin Hajrin, njeriun që copëtoi trupin e një burri dhe që gjeti përgjegjës kopshtarin pa asnjë lidhje. Miqtë e mi! Koha sot më shumë se kurrë thërret guximin e çdo shqiptari. Koha sot më shumë se kurrë trimërinë e çdo shqiptari. Koha sot më shumë se kurrë na fton në betejë.

Data 29, data e paralizës së plotë të Shqipërisë. Qytetar dhe qytetare, derdhuni në rrugë, dilni në rrugë. U tregoni kriminelëve të pushtetit se rrugët janë tuajat, se Shqipëria është e juaja. Se fati është në duart tuaja. Ndaj dhe data 29, dita e mosbindjes së madhe civile, dita e vazhdimit të betejës. Është radha jonë, është radha jonë, është radha jonë. Fitore, fitore, fitore.

sali berisha

Sondazh

Poll

MË SHUMË