Aktualitet

EMRAT/ Kapen 82 kg marijuanë në një taksi në Igumenicë, në pranga një shqiptar dhe një grek

 Operacioni është zhvilluar nga policia kufitare e filatit në bashkëpunim me sektorin e luftës kundër narkotikëve të policisë së Igumenicës.

18 Tetor 2024, 15:32 Nga E. D
EMRAT/ Kapen 82 kg marijuanë në një taksi në Igumenicë,
droga e sekuestruar

GREQI- Një shqiptar është arrestuar nga policia greke së bashku me një shtetas grek. Operacioni është zhvilluar nga policia kufitare e filatit në bashkëpunim me sektorin e luftës kundër narkotikëve të policisë së Igumenicës. Gjithashtu nga ky operacion janë sekuestrruar  82 kg marijuanë. 

Siç raportohet autoritetet ka ndaluar një automjet taksi dhe ka zbuluar brenda saj, ne bagazh dhe sediljet e pasme, 72 pako që përmbanin 81 kg 704 gram marijuanë. Në prangat e policisë kanë rënë drejtuesi i mjetit, shtetasi grek Mikhail Angjelo 52 vjeç nga Artemida e Athinës dhe pasagjeri, shtetasi shqiptar Kosta Beqo 54 vjeç nga fshati Çukë i Sarandës.

Po ashtu Beqo rezultonte person në kërkim në Greqi, pasi në vitin 2018 kishte marrë leje nga burgu i Stavrakiou ku prej dy vitesh vuante dënim për çështje droge dhe nuk ishte kthyer më. Policia greke u sekuestroi të dyshuarve edhe 4370 euro. Për rastin në fjalë, po zhvillon hetime intensive edhe Komisariati i Policisë Kufitare Sarandë, i cili është informuar nga homologët grekë. Ndërkohë ende nuk ka informacione nëse droga ka kaluar nga kufiri shqiptaro-grek.

mikhail angjelo kosta beqo

Sondazh

Poll

MË SHUMË