Aktualitet

Dogjën goma makinash dhe iu bashkuan deputetëve të opozitës në tubim, procedohen penalisht 6 persona, mes tyre edhe Kalaja dhe Balliu

Gjithashtu bëhet me dije se mes të proceduarve janë avokatja e Aleancës për Mbrojtjen e Teatrit Kombëtar, Adriana Kalaja dhe deputeti i PD-së, Klevis Balliu.  Ata janë proceduar për veprën penale "Prishja e rendit dhe qetësisë publike", "Ndotja e ajrit, e ujërave dhe e tokës" dhe "Organizimi dhe pjesëmarrja në grumbullime e manifestime të paligjshme".

18 Tetor 2024, 11:22 Nga N.F
Dogjën goma makinash dhe iu bashkuan deputetëve të opozitës
Foto ilustruese

TIRANË- Gjashtë persona janë priceduar penalisht pas tensioneve të regjistruara ditën e djeshme para Kuvendit. Policia bën me dije se procedimi ka ardhur  për veprat penale "Kundërshtimi i punonjësit të Policisë së Rendit Publik", dhe "Organizimi dhe pjesëmarrja në grumbullime e manifestime të paligjshme".

Gjithashtu bëhet me dije se mes të proceduarve janë avokatja e Aleancës për Mbrojtjen e Teatrit Kombëtar, Adriana Kalaja dhe deputeti i PD-së, Klevis Balliu.  Ata janë proceduar për veprën penale "Prishja e rendit dhe qetësisë publike", "Ndotja e ajrit, e ujërave dhe e tokës" dhe "Organizimi dhe pjesëmarrja në grumbullime e manifestime të paligjshme".

Ndërsa 4 të proceduarit e tjerë janë proceduar pasi kanë djegur dy goma automjetesh dhe më pas janë bashkuar me grupin e deputetëve dhe kanë kundërshtuar punonjësit e Policisë. Materialet i kaluan Prokurorisë.

Njoftimi i plotë:

Tiranë/ Drejtoria Vendore e Policisë Tiranë në lidhje me tubimin e zhvilluar ditën e djeshme, në vijim të veprimeve hetimore të kryera ka referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në gjendje të lirë për shtetasit A. K., 60 vjeçe, për veprën penale "Prishja e rendit dhe qetësisë publike", "Ndotja e ajrit, e ujërave dhe e tokës"dhe "Organizimi dhe pjesëmarrja në grumbullime e manifestime të paligjshme";

- K. B., 22 vjeç, K. B., 35 vjeç, I. T., 49 vjeç, A. H., 45 vjeç, dhe S. N., 38 vjeç, për veprat penale "Kundërshtimi i punonjësit të Policisë së Rendit Publik", dhe "Organizimi dhe pjesëmarrja në grumbullime e manifestime të paligjshme".

Këta shtetas ditën e djeshme kanë djegur dy goma automjetesh dhe më pas janë bashkuar me grupin e deputetëve dhe kanë kundërshtuar punonjësit e Policisë. Materialet i kaluan Prokurorisë.

protestue procedim penal deputete te opozites

Sondazh

Poll