Sport

Publikoi video të paligjshme seksi, lojtari korean rrezikon katër vite burg!

Në Seul, prokuroria kërkoi të mërkurën një dënim me katër vjet burg kundër ish-sulmuesit ndërkombëtar të Koresë së Jugut, Hwang Ui-jo (Antalyaspor), i akuzuar se kishte filmuar marrëdhënie seksuale me partnerët e tij pa pëlqimin e tyre.

16 Tetor 2024, 19:33 Nga DOSJA

Publikoi video të paligjshme seksi, lojtari korean rrezikon katër vite

KOREJA E JUGUT - Prokuroria kërkoi katër vjet burg ndaj Hwang Ui-Jo (32 vjeç, 62 ndeshje, 19 gola) për shkelje të ligjit gjatë gjykimit, që u mbajt në gjykatë të mërkurën në qarkun e Seulit. Ai akuzohet për raste të veçanta, në lidhje me krimet seksuale.

Hwang, i cili u përjashtua nga kombëtarja e Koresë së Jugut, aktualisht luan për Alanyaspor (turk D1), akuzohet se ka filmuar marrëdhëniet e tij seksuale me dy partnere në katër raste, midis qershorit dhe shtatorit 2022, pa pëlqimin e tyre. Përmbajtja e paligjshme u shpërnda nga kunata e Hwang, Lee (33) në Instagram në qershor të vitit të kaluar.

Hwang pranoi të gjitha akuzat, sipas avokatit të tij

Hwang më vonë paraqiti një ankesë kundër Lee, por hetimet e policisë zbuluan se videot ishin filmuar në mënyrë të paligjshme. Në shtator, Lee u dënua me tre vjet burg nga Gjykata e Lartë. Avokati i Hwang tha se lojtari i pranoi të gjitha akuzat gjatë gjyqit të së mërkurës.

“Një nga viktimat refuzoi negociatat dhe kërkoi një dënim të rëndë”,- deklaroi prokuroria. “Hwang mund t'i ketë pranuar akuzat tani, por mohimet e tij të mëparshme hodhën dyshime nëse ai është vërtet i penduar”.

B.T (Dosja.al)