Sport

VIDEO/ Dopieda e Raphinhas nga penalltia, ndihmon Brazilin të mposhtë Perunë...

Në minutën e 37-të, sulmuesi i Barcelonës, Raphinha shënoi nga pika për të dhënë epërsinë e pesë herë Kampionëve të Botës, pasi mbrojtësi i Perusë, Miguel Araujo e mbajti topin brenda zonës.

16 Tetor 2024, 07:57 Nga DOSJA

VIDEO/ Dopieda e Raphinhas nga penalltia, ndihmon Brazilin të mposhtë

BRAZIL - Raphinha konvertoi një penallti në çdo pjesë loje, për të udhëhequr një Brazil të përmirësuar në fitoren 4-0 në shtëpi ndaj Perusë për kualifikimet e Kupës së Botës të Amerikës së Jugut, duke gdhirë e mërkurë.

Duke u mbështetur në fitoren e kthimit 2-1 të javës së kaluar në Kili, Brazili dukej më i gjallë që nga fillimi dhe dominoi topin, me golat e fundit të Andreas Pereira dhe Luiz Henrique, që i dhanë shkëlqim një paraqitjeje mbresëlënëse.

Brazili, i cili kishte humbur katër nga pesë ndeshjet kualifikuese përpara fitores së tyre në Kili të enjten, është i katërti në renditje me 16 pikë pas 10 ndeshjesh, pas Uruguajit të vendit të tretë në diferencë golash.

“Mendoj se kishim nevojë për këtë, ishte vërtet e rëndësishme të fitonim të dyja ndeshjet për t'u rikthyer në rrugën e duhur”,- tha Raphinha për televizionin brazilian Globo.

“Ishin dy ndeshje që ne arritëm t'i kontrollonim. Është shumë larg nga përsosja, por besoj se jemi në rrugën e duhur.”

Pasi goditi traversën në minutën e 24-të, Raphinha i dha epërsinë vendasve nga pika e bardhë në minutën e 38-të, pasi mbrojtësi i Perusë, Carlos Zambrano, u ndëshkua për lojë me dorë.

Sulmuesi i Barcelonës rriti epërsinë e Brazilit nga pika në minutën e 54-të, pasi Zambrano pengoi Savinhon në zonë.

Zëvendësuesi Pereira shënoi golin e tretë të Brazilit me një breshëri akrobatike në minutën e 72-të, duke përfunduar shkëlqyeshëm një krosim nga Luiz Henrique, i cili e mbylli fitoren 4-0 dy minuta më vonë, me një goditje të ulët nga buza e zonës.

Me këtë fitore, Brazili forcon pozitën e tij në vendin e katërt me 16 pikë nga 10 ndeshje, tre pikë përpara Ekuadorit në pozitën e pestë. Gjashtë skuadrat e para u garantohet një vend në finalet e vitit 2026 në Amerikën e Veriut.

B.T (Dosja.al)

Sondazh

Poll

MË SHUMË