Bota

Maduro nuk i ndal akuzat ndaj Elon Musk: Shpenzoi 1 miliard dollarë për grushtin e shtetit ndaj meje

Ky pretendim është pjesë e një sërë akuzash nga Maduro kundër Musk, për të cilin ai pretendon se është i fiksuar në marrjen e pushtetit në Venezuelë dhe financimin e trazirave publike në vend.

15 Tetor 2024, 17:27 Nga E. D
Maduro nuk i ndal akuzat ndaj Elon Musk: Shpenzoi 1 miliard dollarë
Elon Musk dhe Nicolas Maduro

VENEZUELË- Presidenti i Venezuelës Nicolas Maduro ka akuzuar miliarderin amerikan Elon Musk se ka investuar të paktën 1 miliard dollarë për të financuar përpjekjet për të përmbysur qeverinë e tij.

“Elon Musk investoi të paktën 1 miliard dollarë për një grusht shteti, rebelim fashist dhe dhunë kundër procesit zgjedhor në Venezuelë”, tha Maduro. 

Ky pretendim është pjesë e një sërë akuzash nga Maduro kundër Musk, për të cilin ai pretendon se është i fiksuar në marrjen e pushtetit në Venezuelë dhe financimin e trazirave publike në vend. Gjithashtu Musk është përgjigjur në X, platforma e mediave sociale që ai zotëron, duke çuar në një shkëmbim të nxehtë ofendimesh personale. Ndërsa Musk në fillim të gushtit pezulloi X në Venezuelë për 10 ditë.

Tensionet vijnë pas protestave masive që shpërthyen në Venezuelë në fund të korrikut, pas zgjedhjeve në të cilat Maduro u rizgjodh për një mandat të tretë si president deri në vitin 2031, duke siguruar 51% të votave. P rotestuesit u përleshën me policinë në Karakas dhe qeveria e Maduros pretendoi se vendet e huaja u përpoqën të ndërhynin në zgjedhje, duke minuar të drejtën e venezuelianëve për vetëvendosje.

elon musk nicolas maduro

Sondazh

Poll

MË SHUMË