Aktualitet

Shkaktoi aksidentin ku u plagosën 4 persona dhe ngordhën 37 bagëti të imëta, arrestohet 26-vjeçari në Fier

Gjithashtu mësohet se nga kryerja e testit të alkoolit, pas aksidentit, rezultoi se i riu e drejtonte  automjetin, në gjendje të dehur. 

14 Tetor 2024, 10:51 Nga M.B
Shkaktoi aksidentin ku u plagosën 4 persona dhe ngordhën 37
Foto ilustruese

FIER- Një 26-vjeçar është arrestuar në Fier pasi ka shkaktuar një aksident ku mbetën të plagosur 4 persona dhe ngordhën 37 bagëti të imëta. Gjithashtu mësohet se nga kryerja e testit të alkoolit, pas aksidentit, rezultoi se i riu e drejtonte  automjetin, në gjendje të dehur. Materialet procedurale i kaluan Prokurorisë, për veprime të mëtejshme.

Njoftimi:

Drejtoria Vendore e Policisë Fier

Në vijim të informacionit paraprak të dhënë mbrëmjen e djeshme, për një aksident rrugor të ndodhur në aksin “Levan-Qarr”, informojmë se specialistët e Sektorit të Policisë Rrugore të DVP Fier arrestuan shtetasin L. Dh., 26 vjeç, banues në fshatin Pishporo, sepse nga kryerja e testit të alkoolit, pas aksidentit, rezultoi se e drejtonte  automjetin, në gjendje të dehur.

Nga ky aksident u dëmtuan lehtë shtetasi L. Dh. dhe 3 pasagjerë. Gjithashtu, ngordhën 37 bagëti të imëta. Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi penal për shtetasin D. H., 28 vjeç, banues në fshatin Portëz, pasi ka goditur me grusht dhe me sende të forta një shtetas, për motive të dobëta. Materialet procedurale i kaluan Prokurorisë, për veprime të mëtejshme.

fier

Sondazh

Poll

MË SHUMË