Bota

“Skenar makthi”/ Kapiteni i një anijeje i mbijetoi uraganit Milton, u gjet rreth 50 kilometra larg bregut. Pamjet nga operacioni i shpëtimit

 Gjithashtu zyrtarët nuk e kanë përmendur emrin e burrit, por thanë se ai është kapiteni i një anije peshkimi.

11 Tetor 2024, 15:44 Nga E. D
“Skenar makthi”/ Kapiteni i një anijeje i mbijetoi uraganit
pamje nga vendngjarja

SHBA- Një ekuipazh helikopteri i Stacionit Ajror të Rojës Bregdetare në Miami shpëtoi një burrë mrekullisht në mes të detit, pas uraganit shkatërrues “Milton”. Gjithashtu zyrtarët nuk e kanë përmendur emrin e burrit, por thanë se ai është kapiteni i një anije peshkimi. Të hënën, kapiteni thirri rojet bregdetare për të raportuar se anija ishte me probleme.

Ai dhe një anëtar tjetër i ekuipazhit u shpëtuan me helikopter dhe “anija mbeti në rrugë”. Por më pas të mërkurën rreth mesditës, pronari i anijes thirri zyrtarët për të thënë se kapiteni ishte kthyer në anije. Ekipet e shpëtimit kontaktuan me radio kapitenin, i cili raportoi një problem me timonin.

Zyrtarët i thanë atij që të vishte jelekun e shpëtimit dhe “të kapej fort”, ndërsa ai po përgatitej që të mbërrinte uragani.

 

Në atë pikë, valët ishin rreth 1.8-2.4m dhe erërat ishin rreth 48km/h, por ato pritej të rriteshin gjatë natës.

“Ky njeri mbijetoi në një skenar makthi edhe për marinarin më me përvojë. Për të kuptuar ashpërsinë e kushteve të uraganit, ne vlerësojmë se ai përjetoi erëra me shpejtësi mbi 120 km/h, për një periudhë të gjatë kohore për të përfshirë gjatë natës. Ai mbijetoi për shkak të një jeleku shpëtimi, dhe ‘pozicionimit’ të tij”, ka thënë nënkoloneli Dana Grady, kryekomandant i sektorit të Shën Petersburgut.

uragani milton

Sondazh

Poll

MË SHUMË