Politike

Mesazhet shantazhuese në Signal, Bardhi: E vërteta doli, i intereson dhe SPAK të zbardhë autorin që qëndron pas tyre

Bardhi u pyet nga gazetarët për deklaratën e SPAK lidhur me mesazhet shantazhuese që i kishin ardhur në aplikacionin "Signal" nga një përdorues i quajtur "Mbreti Zog".

9 Tetor 2024, 13:49 Nga r.ll
Mesazhet shantazhuese në Signal, Bardhi: E vërteta doli, i intereson
gazment bardhi

TIRANË- Kreu i Grupit Parlamentar të Partisë Demokratike, Gazment Bardhi foli për mediat pas përfundimit të mbledhjes me deputetë.  Bardhi u pyet nga gazetarët për deklaratën e SPAK lidhur me mesazhet shantazhuese që i kishin ardhur në aplikacionin "Signal" nga një përdorues i quajtur "Mbreti Zog". Ai tha se e verteta se mesazhet ishin të sajuara doli dhe se SPAK-ut i intereson të zbardhë se kush është autori i vërtetë i tyre, pasi sipas tij nga ato mesazhe është dëmtuar edhe reputacioni i Prokurorisë së Posaçme.

"Ajo që kam thënë ditën që kam dalë nga SPAK që prokurorët më konfirmuan që bisedat janë të sajuara, sot SPAK ka konfirmuar këtë përmes një njoftimi zyrtar. Pa dyshim që ka politikanë të lartë të mazhorancës që dihet për lidhjet e tyre me krimin, që janë në dosjet e SPAK të përmendur për bashkëpunim me krimin e organizuar. Kishte një tentativë të orkestruar pas seancës ku Rama u përball me përgjime reale të Sky për të bërë pis cilindo që ka vendosur të thotë të vërtetën. Brenda një jave mori përgjigjen e merituar. Nuk mund të fshihen lidhjet e Edi Ramës dhe eksponentëve të tij me krimin e organizuar duke sajuar mesazhe dhe duke i transmetuar ato në media që paguhen po nga paratë e krimit të organizuara si mesazhe të vërteta. E vërteta doli dhe kjo ka dëmtuar dhe reputacionin e SPAK dhe është në interesin e tyre të zbardhet kush qëndron pas këtyre mesazheve.", u shpreh Bardhi.

Prokuroria e Posaçme deklaroi pak më herët se mesazhet kërcënuese në apklikacionin Signal, të nisura drejt figurave politike në vend janë të manipuluara. Sipas SPAK, disa politikanëve u janë nisur mesazhe shantazhuese, të cilat pretendojnë se janë transkripte bisedash të kryera nëpërmjet SKY/ECC. Ndërkohë që SPAK thekson se janë nisur verifikimet për këto mesazhe në mënyrë që të gjendet dërguesi si dhe arsyeja e dërgimit të tyre.

gazment bardhi spak

Sondazh

Poll