Politike

"Nesër do të jemi në seancë plenare", Bardhi: Na ka shpallur luftë dhe opozita do t'i përgjigjet luftës së Edi Ramës

Ai foli lidhur me aksionin opozitar që do të vijojë edhe ditën e nesërme në Kuvend.

9 Tetor 2024, 13:46 Nga r.ll
"Nesër do të jemi në seancë plenare", Bardhi: Na
gazment bardhi

TIRANË- Kreu i Grupit Parlamentar të Partisë Demokratike, Gazment Bardhi ka folur pas mbledhjes së zhvilluar me deputetët në selinë blu. Ai foli lidhur me aksionin opozitar që do të vijojë edhe ditën e nesërme në Kuvend.

Ndonëse janë të përjashtuar nga punimet e Kuvendit për disa javë, Bardhi tha se të gjithë deputetët e opozitë do të jenë të pranishëm në seancë plenare. Ai u shpreh se në seancën e kaluar në Kuvend nuk u lejuan as deputetët e papërjashtuar, ndërsa shtoi se "do t'i përgjigjen luftës së Edi Ramës". 

"Të dënosh deputetët pa ligj, të përjashtosh gjysmën e opozitës nga Kuvendi është akt antikushtetues, të cilit ne nuk do ti nënshtrohemi. Që nesër në mëngjes do të jemi në seancë plenare. Padyshim që Edi Rama mund të na vërë përballë ushtrine apo policinë. Një vend anëtar i NATO dhe kandidat në BE, që pengon deputetët me forca sigurie shfaq në sytë e cdo qytetari shqiptar tiparet e shtetit që po ndërton Rama. Në seancën e fundit nuk u lejuan të futen në Kuvend as deputetët e pa përjashtuar. Na ka shpallur luftë dhe opozita do t'i përgjigjet luftës së Edi Ramës.", tha Bardhi.

gazment bardhi

Sondazh

Poll