Ai i bëri thirrje kryeministrit Edi Rama të pranojë krijimin e një qeverie teknike, pasi sipas tij tashmë e ka humbur parlamentin.
TIRANË- Lideri i opozitës, Sali Berisha ka folur për protestën e zhvilluar mbrëmjen e djeshme në kryeqytet.
Berisha tha se mosbindja e ditës së djeshme ishte vetëm aksioni i parë. Ai i bëri thirrje kryeministrit Edi Rama të pranojë krijimin e një qeverie teknike, pasi sipas tij tashmë e ka humbur parlamentin.
Kreu i PD-së paralajmëroi se në javët që do të vijnë, mosbindja civile do të çmontojë narkoshtetin tënd.
PJESË NGA FJALA E BERISHËS:
Të dashur miq. Mosbindja juaj dje, ka një rëndësi më të veçantë, se sa aksioni që kryet në vetvete.
Sepse ju mbrëmë thyet, bëtë pluhur një sofizëm, një mashtrim të ulët, që në vitet e fundit ishte përhapur qëllimisht si virus, e vërteta është se edhe midis nesh, për të vrarë shpresën e shqiptarëve.
Ky mashtrim është se shqiptarët nuk reagojnë. Ky mashtrim është se shqiptarët janë të përulur. Ky mashtrim është se shqiptarët më para ikin, largohen, se sa t'i dalin zot vetes, vendit dhe kombit të tyre. Nga mbrëmë, nuk ka njeri në botë, që mund të thotë më këtë gjë. Nga mbrëmë shqiptarët u vërtetuan guximtarë dhe heronj. Dhe kjo vetëm falë jush.
Sepse ju mbrëmë treguat se nuk ka paqe më me vjedhjen. Mbrëmë treguat se nuk ka paqe më me poshtërimin. Mbrëmë treguat se nuk ka paqe më me krimin e organizuar. Mbrëmë treguat se zjarri i revoltës ka filluar të djegë trojet e narkoshtetit. Mbrëmë ju dëshmuat se nuk ka paqe në Shqipëri pa votën e lire.
Prandaj për aksionin tuaj mbrëmë, mirënjohjen më të pakufishme. Sepse ju dje rizgjuat krenarinë shqiptare. Ju dje zgjuat nga letargjia shqiptarët, që prej 12 vitesh kanë kafshuar gjuhën ndaj çdo poshtërsie dhe padrejtësie, që u është bërë.
Por mosbindja e djeshme ishte vetëm aksioni i parë i fillimit të ri, i fillimit të mosbindjes civile. Për Edi Ramën kam një thirrje: Opozita ka vetëm 1 javë në aksion. Me kaq ti, ke humbur parlamentin. Me kaq, institucionet e krimit, u dogjën nga flaka e revoltës...
Reago sa je në kohë. Nuk kërkojmë pushtet në tavolinë, as dhe të marrim pushtetin me forcë. Kërkojmë vetëm qeveri teknike si mënyrën më të mirë, më demokratike, më të civilizuar për të garantuar zgjedhje të lira. Dhe aty në zgjedhje të lira, le të shohim se kë votojnë shqiptarët. Pse ke frikë Edi Rama? Kur mendon se fiton, pse nuk krijon qeverinë teknike? Të bëj thirrje, edhe një herë Edi Rama, krijo qeverinë teknike. Sepse javët që vijnë, mosbindja civile do të çmontojë narkoshtetin tënd.
sali berisha TIRANË- Kryetari i Partisë Demokratike, Sali Berisha po zhvillon një konference për mediat. Berisha përshëndeti...
albana vokshi TIRANË- Kryetarja e Komisionit Hetimor për Shëndetësinë, njëkohësisht deputete e PD-së, Albana Voksh...
komisioni TIRANË- Debate të ashpra janë zhvilluar në mbledhjen e Komisionit Hetimor për Koncesionet e Check-up dhe Sterilizmit n&...
mbledhja e komisioniit TIRANË- Ka nisur me debate mes mazhorancës dhe opozitës mbledhja e Komisionit Hetimor për Konces...
Foto TIRANË- Një ditë pas protestës së opozitës, e ngarkuara me punë e SHBA në Shqipëri, Nancy VanHorn ka taku...
pamje nga takimi TIRANË- Kryeministri Edi Rama në takimin me kryebashkiakët ka theksuar se legalizimet janë gjithashtu një pik&eu...
edi rama TIRANË- Kryeministri Edi Rama ka shprehur kritika ndaj kryetarëve të bashkive të vendit lidhur me menaxhimin e fondeve nga ana...
edi rama TIRANË- Kryeministri Edi Rama foli gjatë takimit me kryebashkiakët e vendit lidhur me përballimin e situatës së zjar...
edi rama TIRANË- Kryeministri Edi Rama ka mbledhur ditën e sotme në Kryeministri, kryetarët e bashkive të vendit dhe ministrat e k...
spak TIRANË- Deputeti i Partisë Demokratike, Isuf Çela është paraqitur paraditen e sotme në ambientet e Prokurorisë s&...