Politike

E dinte që Rama do e largonte nga Ministria e Brendshme? Balla: Kam punuar me energjitë e mira maksimale! Për zgjedhjen e Ilir Prodës s'kam asnjë koment!

Ministri për Marrëdhëniet me Parlamentin e shmangu përgjigjen e drejtpërdrejtë duke thënë se gjatë qëndrimit dhe ushtrimit të detyrës si Ministër i Brendshëm ka bërë gjënë e duhur dhe ka punuar me energjitë e mira maksimale.

3 Tetor 2024, 07:46 Nga M.B
E dinte që Rama do e largonte nga Ministria e Brendshme? Balla: Kam
Taulant Balla

TIRANA- Pasi më 28 korrik, kryeministri Edi Rama i komunikoi largimin nga detyra e monistrit të Brendshëm, Taulant Balla është pyetur për këtë lëvizje “surprizë”. I ftuar në studion e Klan News, ministri për Marrëdhëniet me Parlamentin e shmangu përgjigjen e drejtpërdrejtë duke thënë se gjatë qëndrimit dhe ushtrimit të detyrës si Ministër i Brendshëm ka bërë gjënë e duhur dhe ka punuar me energjitë e mira maksimale.

“Unë mendoj që gjatë qëndrimit dhe ushtrimit të detyrës si Ministër i Brendshëm kam bërë gjënë e duhur dhe kam punuar me energjitë e mira maksimale. Tani kam përsipër një detyrë, për shkak të intensitetit me përgjegjësi të madhe për të organizuar forcën më të madhe politike edhe jashtë Shqipërie”, tha Balla.

I pyetur se pse e larguan kur po punonte mirë, Balla e shmangu sërish përgjigjen duke thënë se:

“Këtu më thoni që nuk keni kohë kur unë flisja për pensionet dhe pastaj doni të merreni me thashetheme. Ua dhashë përgjigjen. Faleminderit”.

Gjithashtu Balla u pyet për zgjedhjen e Ilir Prodës në krye të policisë së shtetit. 

“I uroj suksese. S’kam asnjë koment”, tha Balla.

Largimin si drejtues politik i qarkut të Fierit për t’i dhënë detyrën e koordinatorit për diasporën, Balla tha se e sheh me përgjegjësi.

“Ka qenë nder i madh për mua që te jen drejtues politik në 2 nga 3 qarqet më të mëdha të vendit, ku përjashtohet këtu Tirana dhe të kem pasur në këto dy qarqe rezultate tepër të mira për Partinë Socialiste”, tha Balla. 

taulant balla

Sondazh

Poll

MË SHUMË