Aktualitet

‘O maskara! Më vrave djalin"/ Nëna e Santiago Malkos shpërthen në gjyq ndaj Leonard Dukës: Burgim me vdekje

Ndërkohë që Duka në seancën gjyqsore ka kërkuar më shumë kohë të njihet me aktet dhe do japë deklarime seancës e radhës, por prokurori e ka kundërshtuar këtë kërkesë.

2 Tetor 2024, 14:45 Nga I.A
‘O maskara! Më vrave djalin"/ Nëna e Santiago Malkos
Santiago Malko

TIRANË- Detaje të reja kanë dalë nga seanca në Gjykatën e Posaçme për vrasjen e Santiago Malkos. Mësohet se e pranishme në seancë është dhe nëna e Malkos, e cila ka shpërthyer ndaj kreut të grupit Duka, Leonard Duka.   

Nëna e Malkos i drejtohet Leonard Dukës: O maskara, ma vrave djalin 25 vjeç, si del aty?

Ndërkohë që Duka në seancën gjyqsore ka kërkuar më shumë kohë të njihet me aktet dhe do japë deklarime seancës e radhës, por prokurori e ka kundërshtuar këtë kërkesë. Por më pas Duka e ka akuzuar prokurorin si të njëanshëm dhe se ka dyshime që do ta dënojë pa fakte.

Leonard Duka: Deklarimet e mia do i jap pasi të njihem me aktet. Do i jap deklarimet një herë tjetër. Dua më shumë kohë.

Prokurori Behar Dibra: E konsideroj si kërkesë të padrejtë. Ne ramë dakord seancën e kaluar që ai te fliste sot.

Mamaja e Santiago: Nuk ka çfarë lexon fare. Burgim me vdekje.

Gjyqtarja Rudina Palloj: Kërcënimet janë të ndaluara në sallë të gjyqit.

Gjykata: Meqenëse i pandehuri shfaqi pëlqim për tu pyetur por kërkoi kohë, vlerëson se nuk mund ta detyrojë atë të pyetet. Është çështje vullneti. Në këto kushte do i jepet kohë.

Avokatja: Sot nuk jemi gati, por seancën e radhës vijojmë prapsimet dhe kur klienti të jetë gati të përgjigjet.

Leonard Duka: Prokurori është i njëanshëm, më akuzon si organizator i vrasjes së Santiago Malkos. Dhe kam venë re qe do të më dënojë…Prokurori mos të korruptohet nga kriminelët e vendit por të bëjë detyrën. Prokurori po kërkon të më dënojë pa fakt pa asgjë.

Leonard Duka u arrestua Bruksel në shkurt të viti 2023 për vrasjen e Santiago Malkos, i cili ishte njeriu i besuar i Ervis Martinaj. Gjate aksionit, policia ndërhyri në lagjen ku jetonte Muhamet Duka, duke hequr me shume se 13 kamera sigurie te vendosura në rrugë. Ervis Martinaj, i cili është i kërkuar nga drejtësia, vazhdon të jetë i zhdukur që prej gushtit të 2022 dhe policia nuk ka asnjë gjurmë të tij./Dosja.al

santiago malko leonard duka

Sondazh

Poll