Aktualitet

Gjykata Kushtetuese refuzon ftesën për tu bërë pjesë e Komisionit Anti-Korrupsion, Holta Zaçaj i kthen përgjigje negative Kuvendit

Mësohet se kryetarja e Gjykatës Kushtetuese Holta Zaçaj në përgjigjen që i ka kthyer Kuvendit, ka theksuar se nuk mund të marrin pjesë në këtë Komision.

2 Tetor 2024, 12:24 Nga I.A
Gjykata Kushtetuese refuzon ftesën për tu bërë pjesë e
Gjykata Kushtetuese 

TIRANË- Gjykata Kushtetuese ka refuzuar ftesën e Kuvendit për tu bërë pjesë e Komisionit Anti-Korrupsion. Mësohet se kryetarja e Gjykatës Kushtetuese Holta Zaçaj në përgjigjen që i ka kthyer Kuvendit, ka theksuar se nuk mund të marrin pjesë në këtë Komision. 

Reagimi i Kushtetuese ka ardhur pas ftesës që iu drejtua nga Komisioni institucioneve Kushtetuese në vend, përfshi edhe ato të drejtësisë, lidhur me ligjbërje, dhënie mendimi apo veprimtarinë e këtij komisioni ad-hoc.

"Për shkak të funksionit tonë, nuk mund të marrim pjesë në aktivitete që lidhen me procese ligjbërëse, pasi kjo mund të sjellë në të ardhmen konflikt në ushtrim të funksionit të saj, në kontrollin e pajtueshmërisë së ligjeve me Kushtetutën", thuhet në përgjigjen e Zaçaj

Në Komisionin, që drejtohet nga deputeti Fatmir Xhafaj, nuk ka marrë pjesë asnjë deputet i opozitës. Xhafaj, pas rekomandimeve të ambasadës amerikane, në kërkesën e tij drejtuar institucioneve që ushtrojnë funksione në fusha me risk për korrupsion të përcaktojnë përfaqësuesit e tyre që do të veprojnë pranë nëngrupeve të komisionit.

holta zaçaj

Sondazh

Poll

MË SHUMË