Sport

Operohet Rodri, Pep jep lajmin: “Sezoni ka përfunduar për njërin prej yjeve tanë”...

Rodri do të humbasë gjithë sezonin për shkak të dëmtimit, ka konfirmuar trajneri i Manchester Cityt, Pep Guardiola.

28 Shtator 2024, 16:00 Nga DOSJA

Operohet Rodri, Pep jep lajmin: “Sezoni ka përfunduar për

ANGLI - Mesfushori spanjol Rodri i Manchester Cityt i është nënshtruar një operacioni pas dëmtimit të ligamenteve të gjurit në barazimin 2-2 të së dielës kundër Arsenalit në Premier Ligë.

“Ai kishte një operacion këtë mëngjes, ACL dhe meniskun”,- tha Guardiola në një konferencë shtypi të premten përpara transfertës së Cityt në Njukasëll. “Sezonin e ardhshëm ai do të jetë këtu.

Ky sezon ka mbaruar për të. Kështu është. Fatkeqësisht, ne morëm lajmet më të këqija, por është ajo që është në këtë nivel. Ndonjëherë, për fat të keq, ndodh. Ne jemi vetëm atje për ta mbështetur atë dhe ta ndihmojmë të shërohet mirë, hap pas hapi dhe të ecë përpara.

Për atë që ai na jep, ne nuk kemi një lojtar të ngjashëm, por lojtarët e tjerë të gjithë mund të zëvendësojnë atë që Rodri ka dhënë që kur erdhi këtu me ne. Ne do të duhet ta bëjmë këtë si ekip dhe të gjejmë një mënyrë për të luajtur shumë ndeshje pa një lojtar të rëndësishëm për ne.

Ne jemi më të fortë me të dhe më të fortë me Ake, Bob dhe Kevin De Bryjnen, por kjo është situata. Ne nuk e donim që kjo të ndodhte, por i tillë është futbolli. Ne kemi lojtarë të mrekullueshëm dhe do të gjejmë një zgjidhje”.

Gjithashtu edhe mesfushori tjetër De Bryjne do të mungojë në ndeshjen e sotme. Mungesa e Rodrit do të lërë një boshllëk të madh, me kampionët që nuk kanë humbur asnjë nga 48 ndeshjet e fundit të Premier Ligës në të cilat ai është paraqitur.

Ai ka qenë një komponent jetik i katër skuadrave fituese të titullit që nga transferimi i tij në “Etihad” në vitin 2019. Ai shënoi golin e fitores në finalen e Ligës së Kampioneve të vitit 2023 dhe është një nga pretendentët kryesorë për të fituar çmimin e “Topit të Artë” të këtij viti, pasi ndihmoi Spanjën të triumfonte në “Euro 2024”.

B.T (Dosja.al)

Sondazh

Poll

MË SHUMË