Bota

"Goditëm në shënjestër"/ Ushtria izraelite: Lideri dhe anëtarë të tjerë të lartë Hezbollahut janë vrarë! Grupi ende asnjë reagim

IDF thotë se avionët luftarakë kryen një goditje në shënjestër në shtabin qendror të Hezbollahut, për të cilin thotë se ndodheshin nëntokë të ngulitura nën një ndërtesë banimi në zonën e Dahieh në Bejrut.

28 Shtator 2024, 10:29 Nga r.ll
"Goditëm në shënjestër"/ Ushtria izraelite: Lideri
lideri i hezbollahut

LIBAN- Ushtria izraelite ka deklaruar sot se lideri i Hezbollahut, Hassan Nasrallah është vrarë nga sulmet e djeshme izraelite.  Forcat ajrore të Izraelit goditën dje selinë qendrore të Hezbollahut, për të cilën IDF tha se ndodhej nën tokë nën një ndërtesë banimi në një periferi jugore të Bejrutit.

Në deklaratë, thuhet se anëtarë të tjerë të lartë të grupit të mbështetur nga Irani u vranë përveç Hassan Nasrallah - duke përfshirë komandantin e frontit jugor të Hezbollahut, Ali Karaki. IDF thotë se avionët luftarakë kryen një goditje në shënjestër në shtabin qendror të Hezbollahut, për të cilin thotë se ndodheshin nëntokë të ngulitura nën një ndërtesë banimi në zonën e Dahieh në Bejrut. Më tej thuhet se sulmi u krye ndërsa zinxhiri i lartë i komandës i grupit po vepronte nga periferia e Dahieh në Bejrutin jugor - një bastion i grupit të armatosur.

Të paktën gjashtë persona u vranë  dhe 91 u plagosën në sulmin fillestar të premten, tha Ministria libaneze e Shëndetësisë, pasi mijëra banorë të zhvendosur u larguan nga shtëpitë e tyre.  Gjashtë ndërtesa u shkatërruan, njoftoi agjencia shtetërore e lajmeve NNA. Zona e goditur duket të jetë dukshëm më e madhe se sulmet e mëparshme izraelite në Bejrut. Imazhet e pasojave sugjerojnë se  në sulme janë përdorur bomba 2000 paund, tha një ish-ekspert i asgjësimit të mjeteve shpërthyese të ushtrisë amerikane.

hassan nasrallah sulmet izraelite ne bejrut hezbollah

Sondazh

Poll

MË SHUMË