Bota

FOTOLAJM/ I pushtuar nga zjarri dhe tymi, Bejruti nën tmerrin e bombardimeve izraelite, njerëzit në kërkim të një strehe të sigurt

Izraeli nisi sulme të mëtejshme në Bejrutin jugor, duke synuar ato që tha se ishin depo të armëve të Hezbollahut. Grupi militant mohoi që armët e tij të ruheshin në ndërtesat civile të shënjestruara nga sulmet.

28 Shtator 2024, 07:46 Nga r.ll
FOTOLAJM/ I pushtuar nga zjarri dhe tymi, Bejruti nën tmerrin e
bombardimet

LIBAN- Izraeli ka vijuar gjatë gjithë natës me bombardimet në Bejrut. Sulmet kanë përfshirë periferinë jugore të Dahiyeh , një zonë me popullsi të dendur me një prani të fortë të Hezbollahut dhe ku janë të vendosura shumë nga lidershipi i grupit. Izraeli nisi sulme të mëtejshme në Bejrutin jugor, duke synuar ato që tha se ishin depo të armëve të Hezbollahut. Grupi militant mohoi që armët e tij të ruheshin në ndërtesat civile të shënjestruara nga sulmet.

Udhëheqësi i Hezbollahut, Hassan  Nasrallah ishte objektivi i sulmeve të Izraelit të premten, tha një zyrtar izraelit. Izraeli po punon për të verifikuar nëse ai u vra, me një zyrtar të lartë izraelit duke thënë se është  "shumë herët për të thënë"  nëse Nasrallah ka vdekur. Shumë komandantë dhe operativë të Hezbollahut u vranë në sulmet të premten, tha ushtria izraelite.

Të paktën gjashtë persona u vranë  dhe 91 u plagosën në sulmin fillestar të premten, tha Ministria libaneze e Shëndetësisë, pasi mijëra banorë të zhvendosur u larguan nga shtëpitë e tyre.  Gjashtë ndërtesa u shkatërruan , njoftoi agjencia shtetërore e lajmeve NNA. Zona e goditur duket të jetë dukshëm më e madhe se sulmet e mëparshme izraelite në Bejrut.

Imazhet e pasojave sugjerojnë se  në sulme janë përdorur bomba 2000 paund, tha një ish-ekspert i asgjësimit të mjeteve shpërthyese të ushtrisë amerikane. 

bombardime ne bejrut lufta ne lindjen e mesme hezbollahu izrael

Sondazh

Poll

MË SHUMË