Politike

Prokuroria me shkresë për ekzekutimin e vendimit për arrestimin e Salianjit, deputetët e PD-së mblidhen pranë shtëpisë së Berishës

Nuk dihet se cila është arsyeja e kësaj lëvizjeje, por mendohet se deputetët Flamur Noka, Gazment Bardhi, Agron Gjekmarkaj dhe Luçiano Boçi, të kenë diskutuar për vazhdimësinë e aksionit politik të PD, pas dhënies së vendimit të Gjykatës së Apelit për deputetin Ervin Salianji.

27 Shtator 2024, 13:05 Nga M.B
Prokuroria me shkresë për ekzekutimin e vendimit për arrestimin e
Deputetët e PD-së

TIRANA- Paraditen e sotme disa përfaqësues të Partisë Demokratike kanë mbërriturpranë ambienteve  të shtëpisë së kreut të PD-së, Sali Berisha. Nuk dihet se cila është arsyeja e kësaj lëvizjeje, por mendohet se deputetët Flamur Noka, Gazment Bardhi, Agron Gjekmarkaj dhe Luçiano Boçi, të kenë diskutuar për vazhdimësinë e aksionit politik të PD, pas dhënies së vendimit të Gjykatës së Apelit për deputetin Ervin Salianji.

Pak më parë lidhur me ekzekutimin e vendimit të Gjykatës së Apelit për deputetin e Partisë Demokratike, Ervin Salianji, që dënoi me një vit burg nën akuzën e kallëzimit të rreme, është zbardhur shkresa e Prokurorisë së Tiranës për ekzekutimin e vendimit. Në shkresën e prokurores Elona Alvora, depozituar dhe në Kuvend, thuhet se vuajtja e dënimit për Salianjin, fillon nga dita që ky vendim merr formë të prerë. 

Po ashtu në shkresë thuhet se vuajtja e dënimit për Salianjin, do kryhet në një nga burgjet e sigurise së zakonshme. Sipas shkresës, në kushtet kur hetimi dhe gjykimi i deputetit Salianji është bërë në gjendje të lirë, ngarkohet me ekzekutimin e kësaj pike të vendimit gjyqësor Drejtoria Vendore e Policisë Tiranë.

partia demokratike

Sondazh

Poll

MË SHUMË