Politike

"Vendimin e dha Edi Rama dhe aspak ligji!" Dënimi me një vit burg ndaj Salianjit, Noka: Nuk është thjesht goditje për PD-në, por edhe për shtetin ligjor

Noka shprehet se vendimi ndaj Salianjit nuk është vetëm goditje e drejtpërdrejtë për PD, opozitën dhe opozitarizmin si e drejtë e shprehjes, por një goditje fatale për ligjin dhe shtetin ligjor.

26 Shtator 2024, 16:36 Nga E. D
"Vendimin e dha Edi Rama dhe aspak ligji!" Dënimi me një vit
Flamur Noka, Ervin Saliajni

TIRANË- Sekretari i Përgjithshëm i PD-së, Flamur Noka, ka reaguar pasi Apeli vendosi të lërë në fuqi dënimin me një vit burg ndaj deputetit të PD Ervin Salianji. Noka shprehet se vendimi ndaj Salianjit nuk është vetëm goditje e drejtpërdrejtë për PD, opozitën dhe opozitarizmin si e drejtë e shprehjes, por një goditje fatale për ligjin dhe shtetin ligjor.

Reagimi i Nokës:

Sot vendimin për kolegun Ervin Salianji e dha vetë Edi Rama dhe aspak ligji. Drejtësia sot veproi për llogari të narkosektit në qeveri. Kundërshtari politik u trajtua si armik njësoj si në kohën e etërve të Rilindjes. Kjo qasje ndaj opozitës vijon të jetë moto për Ramën dhe narkoregjimin e tij. U dënua denoncuesi i krimit dhe i trafikut qeveritar, gjë që s’ndodh askund në shtetet e së drejtës. Kjo nuk është thjesht e vetëm goditje e drejtpërdrejtë për PD, opozitën dhe opozitarizmin si e drejtë e shprehjes, por një goditje fatale për ligjin dhe shtetin ligjor.

flamur noka ervin saliajni

Sondazh

Poll