TIRANË- Sekretar i Përgjithshëm i Federatës Kombëtare Media Italiane, Raffaele Lorusso, është shprehur kundër paketës anti-shpifje të propozuar nga qeveria. Në një intervistë të dhënë për “Tempora”, Lurosso është shprehur se paketa ka si qëllim të mbyll gojën mediave e të ndalojë investigimet.
Sipas tij ligji kërkon që gazetarët të heshtin dhe kjo gjë bie në kundërshtim me deklaratën universale të të drejtave të njeriut, pasi qytetarët nuk do jenë më të informuar.
“Ne e bëjmë tonin apelin e kolegëve tanë shqiptarë pasi mendojmë se ky propozim ligjor që ka si qëllim t’i mbyll gojën medias e që i ndalon gazetarët të bëjnë punën e tyre, e kryesisht që i ndalon të bëjnë investigime, të bëjnë pyetje jo komode. Mendojmë se me pretekstin e fake neës, pra për ta luftuar fake neës, i lihet dorë e lirë këtij autoriteti publik, që në të vërtetë është emëruar nga qeveria, për të mbyllur portalet online e për t’i detyruar të heshtin. Qëllimi është pikërisht ky, të detyrojnë të heshtin të gjithë gazetarët që nuk janë të linjëzuar e të gjithë mediat që nuk janë të linjëzuara me ta (me qeverinë). Është një normativë e papranueshme, është një normë që bie kundër me deklaratën universale të të drejtave të njeriut, kundër me të drejtën e të gjithë qytetarëve për të qenë të informuar, Për këtë qëllim Federata Kombëtare e Medias Italiane së bashku me Konfederatën Internacionale të gazetarëve, i kërkon institucioneve europiane, këshillit europian ku bën pjesë dhe Shqipëria, por dhe OSBE, që deri në këtë moment ka heshtur të ndërhyjnë, ashtu siç duhet të ndërhyj dhe vetë Bashkimi Europian, duhet të ndërhyjnë dhe qeveritë e vendeve të BE, pasi Shqipëria është një vend që aspiron të hyj në Bashkimin Europian e negociatat për pranimin e saj nuk duhet të jenë vetëm të fushës ekonomike, financiare, o raporte tregtare. Nuk mund të mendohet se mund të hyjë në Europë kush mohon lirinë e shprehjes e lirinë e medias”, deklaroi Luroso gjatë intervistës për “Tempora”.
Po ashtu për Sekretarin e FNSI, nëse drafti miratohet në Kuvend vihet në rrezik integrimi i Shqipërisë në Bashkimin Evropian.
“Këshilla jonë për ta është që të mos dorëzohen e të vazhdojnë të denoncojnë këto raste e këto episode. Ne mendojmë se Bashkimi Europian nuk mund të kthej kokën nga ana tjetër (pra të bëj sikur nuk po ndodh asgjë) dhe për shumë kohë. Absolutisht po pasi në momentin kur një autoritet publik ka fuqinë të mbyll një media informative qoftë ky dhe një portal online, kjo paraqet një mbyllje goje të medias”, shtoi ai më tej.
Pak ditë më parë Komisioni i Ligjeve, miratoi në parim paketën e cila do të kalojë në Kuvend më 18 dhjetor, me disa ndryshime të papërfillshme, siç është përzgjedhja përmes konkurrimit, e Bordit të Ankesave, një këshill i cili do të ketë fuqi për të gjobitur dhe mbyllur portalet. Ndërkohë që tek “Media”, anëtarët vendosën të ulnin gjobën për portalet në maksimumi 4 milionë lekë të vjetra, por socialistët janë tërhiqur dhe nga ekzekutimi i gjobës para vendimit të gjykatës. Është kjo një nga pikat më të nxehta të paketës anti-shpifje, e njoftuar prej 2 vitesh nga Rama, me arsyetimin se mediat online duhet të funksionojnë në bazë të rregullave. Komuniteti i gazetarëve, intelektualëve dhe organizatat në mbrojtje të të drejtave të njeriut, kanë dalë kundër draftit, pasi sipas tyre bie në kundërshtim me Konventën për të Drejtat e Njeriut. Me këtë paketë, Shqipëria bëhet vendi i parë në Evropë që gjobit gazetarët me vendime administrative, dhe i jep fuqi të plotë AMA-s, si një gjykatë për mediat.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Gjatë debatit të zhvilluar për paketën anti-shpifje të propozuar nga qeveria, i ashpër ka qenë debati mes deputetit të PS Musa Ulqinit dhe pedagogu...
TIRANË– Gazetari Ylli Rakipi në një lidhje në Skype me emisionin “Tempora” në RTV Ora tha se shoqëria shqiptare po lëngon pasi janë larguar shumë nje...
TIRANË- Një pyetje e drejtpërdrejt për Ministren e Mbrojtjes Olta Xhaçka nga sekretari organizativ në PD Eno Bozdo. Në panelin e sotëm në “Real Stor...
TIRANË- Sekretari i Pergjithshem i PD, Gazment Bardhi, ka reaguar pas dëshmive të mbledhura nga ABC News të banorëve të pallateve të shembura, ku tregohet ...
TIRANË– Kryeministri Edi Rama ka treguar se çfarë i thoshte djali i tij Gregu, kur gjatë periudhës së shkollës merrte nota të papëlqyeshme. Teksa vi...
TIRANË– Kryeministri Edi Rama ka vizituar mbrëmjen e sotme familjen e efektivit Rifat Aga, të cilit iu prish banesa pas tërmetit të 21 shtatorit. I shoqëru...
TIRANË-Kryetari i Grupit Parlamentar të Partisë Socialiste Taulant Balla me anë të një statusi në “Twitter” shkruan se ligji antishpifje për mediat është n...
TIRANË- Ish-Kryeministri Sali Berisha i cilëson krim shtetëror viktimat që shkaktoi tërmeti tragjik i 26 Nëntorit.“Në qoftë se në vlerësimin e tërmetit të ...
TIRANË– OSBE-ja ka reaguar pas ndryshimeve të fundit që u bënë në draftin e paketës antishpifje. Në disa statuse në rrjetin social Twitter, OSBE shkruan se...