Politike

“Shteti Bektashi”, Shehaj: Propagandë që i shërbeu Kryeministrit në OKB, një ide që bie ndesh me Kushtetutën

Shehaj tha se deri më tani mediat prestigjoze ndërkombëtare kanë folur për Shqipërinë duke treguar skandalet, duke rrëfyer lidhjet e krimit me qeverinë.

24 Shtator 2024, 21:57 Nga M.B
“Shteti Bektashi”, Shehaj: Propagandë që i shërbeu
Agron Shehaj

TIRANA- Deputeti Agron Shehaj ka folur sot rreth idesë për krijimin të “shtetit Bektashi” teksa tha se më shumë është një lojë për të tërhequr vëmendjen, se sa një ide reale. I ftuar në emisionin “Open” në News 24, Shehaj tha se deri më tani mediat prestigjoze ndërkombëtare kanë folur për Shqipërinë duke treguar skandalet, duke rrëfyer lidhjet e krimit me qeverinë. Ai ka shtuar se një ide e tillë bie ndesh me Kushtetutën.

“Përballë artikujve kritikë u hodh kjo ide, që tërheq vëmendjen. Fakti që u botua nga Neë York Times për mendimin tim është për ti shërbyer Kryeministrit për fjalën në OKB. Mendoj se është një shashkë. NYT është një nga mediat më të rëndësishme, por është menduar me kujdes.

Komuniteti Bektashi nuk lëviz ekujlibrat botëror, mund të tërheqë vëmendjen e një lexuesi amerikan, tregon një histori nga Shqipëria. Nëse ka lobim ndërkombëtar lidhur me këtë ide, nuk di të them, por mendoj se ky nuk është shqetësim i qytetarëve shqiptarë. Është një lëvizje propagandistike që të mos flitet për korrupsionin, arsimin, shëndetësinë, mungesën e ilaçeve. Ky propozim i zgjidh problemet e shqiptarëve? Mendoj se jo.

Si ka mundësi që jepet një ide që bie ndesh me Kushtetutën, atëherë do të dilte Presidenti, Kryetarja e Kuvendit, do të kishte reagime. Do të ishte alarmante që Kryeministri ka pyetur askënd, në shkelje të Kushtetutës të deklaronte krijimin e një shteti”, tha Shehaj.

agron shehaj

Sondazh

Poll

MË SHUMË