Bota

"Është thënë në publik se ka arritur dakordësi mbi disa çështje me Lajçak"/ Osmani “paralajmëron” Bislimin: Në qoftë se dikush bën dialog për urën e Ibrit me Serbinë, është shkelje e sovraniteti

Gjithashtu Osmani tha se do të shkelej sovraniteti dhe Kushtetuta e vendit në qoftë se dikush bën dialog për urën e Ibrit me Serbinë. 

18 Shtator 2024, 12:28 Nga E. D
"Është thënë në publik se ka arritur
Vjosa Osmani

BRUKSEL- Presidenjta e Kosovës Vjosa Osmani ka kërkuar që kryengociatori i Kosovës në dialogun me Serbinë, Besnik Bislimi të tregojë se për çfarë temash ka biseduar në Bruksel me të dërguarin e Bashkimit Europian për dialogun Kosovë-Serbi Miroslav Lajçak. Gjithashtu Osmani tha se do të shkelej sovraniteti dhe Kushtetuta e vendit në qoftë se dikush bën dialog për urën e Ibrit me Serbinë. 

“Është thënë në publik se ka arritur dakordësi mbi disa çështje me zotin Lajçak. Por, po e përsëris, në qoftë se dikush bën dialog për urën e Ibrit me Serbinë, kjo është shkelje e sovranitetit, e Kushtetutës së Republikës së Kosovës dhe në asnjë moment nuk është në interes të Kosovës që kjo temë të jetë pjesë e dialogut me Serbinë”, u shpreh prerazi Osmani, që shtoi se në dialog, nuk ka barazi.

Presidentja shtoi se çështja e hapjes së urës kryesore mbi lumin Ibër në Mitrovicë duhet patjetër të diskutohet me partnerët e sigurisë, duke kujtuar se edhe vetë marrëveshjet e Brukselit e kërkojnë një gjë të tillë. Një ditë më parë, ministri i brendshëm Xhelal Sveçla deklaroi se ura do të hapet shumë shpejt, e për këtë, përmendi koordinimin me bashkësinë ndërkombëtare dhe bisedat në Buksel. Edhe zyra e kryeministrit Albin Kurti deklaroi pas takimit Bislimi-Lajcak se sa i përket urës mbi lumin Ibër, edhe për BE-në është e qartë se nuk ka alternativë tjetër përpos hapjes së saj”.

vjosa osmani

Sondazh

Poll

MË SHUMË