Sport

Kërcënime me vdekje për gjyqtarin Taylor dhe familjen e tij!... Ai do të jetë i katërt në fundjavën e Premier League

Siç raportohet nga Daily Mail, ai mori shumë fyerje dhe kërcënime me vdekje pas ndeshjes midis Bournemouth dhe Chelsea

18 Shtator 2024, 09:30 Nga DOSJA

Kërcënime me vdekje për gjyqtarin Taylor dhe familjen e tij!...

ANGLI - Më shumë probleme për Athony Taylor. Arbitri anglez nuk është caktuar për të gjykuar këtë fundjavë në Premier League. Arsyeja?

Siç raportohet nga Daily Mail, ai mori shumë fyerje dhe kërcënime me vdekje pas ndeshjes midis Bournemouth dhe Chelsea, ku nxorri 14 kartonë të verdhë (plus një për Enzo Maresca të Chelsea dhe një për një anëtar të stafit të tij), një rekord për kampionatin anglez.

Liga tani është duke e hetuar episodin, duke qenë se gazeta raportoi disa shprehje kërcënuese për familjen e Taylor, i cili megjithatë do të jetë zyrtar i katërt të shtunën në Southampton - Ipswich dhe të dielën në Brighton - Nottingham Forest.

Disa mesazhe shqetësuese bënin thirrje për vdekjen e tij: "Ai duhet të vritet, dhe nuk po bëj shaka", "Anthony Taylor, do të gjej familjen tënde", "Dënoje atë për vdekje". PGMOL (shoqata e arbitrave) shprehu solidaritetin e saj me gjyqtarin.

Në vitet e tij 2024 - 2025, Taylor mori drejtimin e 5 ndeshjeve, duke përfshirë një prej paraeliminareve të Europa League dhe 4 të Premier League. Në karrierën e tij ai ka drejtuar deri në 743 ndeshje, duke demonstruar përvojën e madhe që ka fituar tani.

Kujtojmë se gjyqtari Anthony Tejlor ka gjykuar edhe ndeshjen finale Egnatia - Partizani (1-0) sezonin e kaluar në fazën ‘Final Four”.

B.T (Dosja.al)

Sondazh

Poll

MË SHUMË