Politike

Apeli i GJKKO lë në fuqi masën e arrestit shtëpiak për Berishën dhe Malltezin, Gjokutaj: Marrëveshje e hapur SPAK-Gjykatë

Berisha dhe Malltezi, të dy në arrest shtëpie, kërkuan zëvendësimin e masës së sigurisë, kërkesë e cila u rrëzua nga Apeli i GJKKO-së.

13 Shtator 2024, 14:37 Nga N.F
Apeli i GJKKO lë në fuqi masën e arrestit shtëpiak për
Foto ilustruese

TIRANË- Apeli i Gjykatës së Posaçme ka vendosur ditën e sotme që të mos ndryshojë masat e sigurisë ndaj kreut të Partisë Demokratike, Sali Berisha dhe dhëndërit të tij, Jamarbër Malltezin.

Berisha dhe Malltezi, të dy në arrest shtëpie, kërkuan zëvendësimin e masës së sigurisë, kërkesë e cila u rrëzua nga Apeli i GJKKO-së. Sipas avokatit Genc Gjokutaj, gjykata po shkel ligjin dhe se kjo është një marrëveshje e hapur mes SPAK dhe Gjykatës.

"Kjo është një marrëveshje e hapur mes SPAK dhe Gjykatës, që as ti nuk e bën kërkesën dhe  as unë nuk respektoj detyrimin që kam ndaj ligjit. Vetë gjykata që ka vendosur masat nuk është e interesuar tani në fund që të shikojë se si kanë vijuar hetimet, sepse nuk kanë përfunduar hetimet," deklaroi Gjokutaj për gazetarët.

Malltezi dhe Berisha u morën të pandehur nga SPAK dy ditë më parë, lidhur me hetimet për privatizimin e "ish-Kompleksit Partizani". Ata akuzohen për veprën penale "korrupsion pasiv kryer në bashkëpunim"

gjkko jamarbër malltezi sali berisha

Sondazh

Poll