Aktualitet

Megaoperacioni anti-kanabis/ Asgjësohen 2114 bimë narkotike të kultivuara në qarkun e Shkodrës

Vijon puna për kapjen e autorëve të kultivimit të bimëve narkotike.

12 Shtator 2024, 11:23 Nga S.B
Megaoperacioni anti-kanabis/ Asgjësohen 2114 bimë narkotike të
foto ilustruese

SHKODËR- 2114 bimë kanabisi janë gjetur dhe asgjësuar ditën e sotme në qarkun e Shkodrës. Përkatësisht 703 bimë narkotike janë asgjësuar në njësitë administrative Pult dhe Shalë, ndërsa 1411 bimët e mbetura janë asgjësuar në njësinë administrative Shllak.

Vijon puna për kapjen e autorëve të kultivimit të bimëve narkotike.

Njoftimi i policisë:

Qarku Shkodër/Vijon megaoperacioni policor anticannabis “Territor i pastër”, asgjësohen 2114 bimë cannabisi.

Në kuadër të këtij megaoperacioni që ka si objektiva parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut. Gjatë kësaj faze të megaoperacionit:

-shërbimet e Komisariatit të Policisë Shkodër gjetën në territorin e njësive administrative Pult dhe Shalë, dhe asgjësuan 703 bimë cannabisi;

-shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1411 bimë cannabisi.

Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.

shkoder kanabis

Sondazh

Poll

MË SHUMË